თურქეთი მზადაა უკრაინასა და რუსეთს შორის მედიატორის როლი შეასრულოს. ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

"ჩვენ მზად ვართ მხარი დავუჭიროთ რუსეთსა და უკრაინას შორის დაძაბულობის შემცირებას და დიალოგის დაწყებას. ორივე მხარის თანხმობით შეგვიძლია შევთავაზოთ ფასილიტაცია, მედიაცია ან მხარდაჭერა ნებისმიერ ფორმატში, რომელიც სასურველია", — განაცხადა თურქეთის პრეზიდენტმა.

დღეს, 8 დეკემბერს პრეზიდენტმა სალომე ზურაბიშვილი უკრაინას სოლიდარობა გამოუცხადა და კიდევ ერთხელ დაადასტურა უკრაინის სუვერენიტეტისა და ტერიტორიული მთლიანობის მიმართ სრულ მხარდაჭერასა და ერთგულება.

აშშ-მ და მოკავშირე ოფიციალურმა პირებმა განგაში ჯერ გასულ თვეს ატეხეს. ამერიკული დაზვერვის წარმომადგენლებმაც მოკავშირეები გააფრთხილეს, რომ ცოტა დრო დარჩა, რათა რუსეთს უკრაინაში სამხედრო მოქმედებების განხორციელებაში ხელი შეუშალონ. აშშ-მ ევროპულ ქვეყნებს მოუწოდა შეერთებულ შტატებთან იმუშაონ, რათა მოსკოვის შეკავების მიზნით ეკონომიკური და სამხედრო ზომების პაკეტი შეიმუშაონ.

უკრაინის თავდაცვის სამინისტრომ ნოემბრის დასაწყისში განაცხადა, რომ მის საზღვართან დაახლოებით, 90 000 რუსი ჯარისკაცი გადაისროლეს. გაურკვეველი იყო, რამდენი მათგანი იყო ადგილზე ახლად განლაგებული.