ქართული ოცნების აღმასრულებელი მდივნის, მამუკა მდინარაძის თქმით, შესაძლოა, ნაციონალურ მოძრაობას აწყობდეს, რომ მიხეილ სააკაშვილის ფსიქოლოგიურ მდგომარეობაზე "ცოტა სხვა წარმდგენები იყოს". ასე გამოეხმაურა ის ცენტრ ემპათიის ხელმძღვანელის, მარიამ ჯიშკარიანის განცხადებას, რომ ექსპრეზიდენტს ფსიქოტროპულ მედიკამენტებს ასმევდნენ.

"მე არ ვარ ექიმი, რომ რომელიმე მედიკამენტის დანიშვნის თუ არდანიშვნის საკითხი ახლა გავარჩიო. მე ერთ რამეს ვხვდები, ჩემი ეჭვია უბრალოდ, ამის იქით მე ვერ წავალ, უბრალოდ ჩემი ეჭვია, აბსოლუტურად გონივრული, რომ იმ განცხადებების შემდეგ, რაც მიხეილ სააკაშვილმა სასამართლოში აკეთა, ვიღაცას ძალიან აწყობს — მათ და არა ვიღაცას, კიდევ უფრო ზუსტად — რომ მის ფსიქოლოგიურ მდგომარეობაზე ცოტა სხვა წარმოდგენები იყოს, მათ შორის, შესაძლებელია, სამართლებრივი თვალსაზრისითაც კი", — განაცხადა მამუკა მდინარაძემ.

4 დეკემბერს ცენტრ ემპათიის ხელმძღვანელმა, მარიამ ჯიშკარიანმა განაცხადა, რომ სააკაშვილი ფსიქოტროპულ მედიკამენტებს იღებდა. ჯიშკარიანის ინფორმაციით, ექსპრეზიდენტის სამედიცინო ბარათში არ წერია, რატომ იღებდა ექსპრეზიდენტი ნეიროლეპტიკურ პრეპარატს. მისვე თქმით, სააკაშვილმა იცოდა, რომ საძილე მედიკამენტს იღებდა.

5 დეკემბერს მიხეილ სააკაშვილის დედამ, გიული ალასანიამ განაცხადა, რომ გორის სამხედრო ჰოსპიტალში გადაყვანის შემდეგ ექსპრეზიდენტი თავს კარგად გრძნობდა, მაგრამ "ნელ-ნელა მიდის უკან".

გაიგე მეტი: