ექსპრეზიდენტმა, მიხეილ სააკაშვილმა საკუთარ სასამართლო პროცესზე სიტყვით გამოსვლისას განაცხადა, რომ 7 ნოემბრის შედეგად ჰქონდა მაღალი სიცხე და "ძალიან მწვავე ანთება ერთ-ერთი ორგანოსი". სააკაშვილის თქმით, 7 ნოემბრის შედეგად მიღებული ტრავმებს მას გერმანელი ექიმი მკურნალობდა, რომელიც მისივე ვარაუდით, შეიძლება პროკურატურას ე.წ. პიჯაკების საქმეში ჰქონდეს შეტანილი და "ალბათ ბოტოქსი ჰქვია".

"აგერ, მე ვუყურებ ინგა გრიგოლიას და მინდა ვთქვა, რომ ამასწინათ ისაუბრა 7 ნოემბერზე და თქვა, რომ როდესაც პოლიცია შევიდა იქ [ტელეკომპანია იმედში] და დიდი სტრესი განიცადა, მოხვდა კლინიკაში. ამის შემდეგ, რამდენიმე დღის შემდეგ მე მივეცი ინტერვიუ ინგას — მასაც შეიძლება ახსოვს — მთავრობის სახლში, გრძელი ინტევრიუ მივეცი და მინდა გითხრათ, რომ ჯერ ერთი, ძალიან განვიცდი, რომ მას ეს სტრესი მიადგა, ისე, როგორც ნებისმიერ სხვა ადამიანს, მაგრამ მეც მქონდა მძიმე ტრავმა, მეც მქონდა ძალიან მწვავე ანთება ერთ-ერთი ორგანოსი, მქონდა მაღალი სიცხე ამ პერიოდში, ინტერვიუს რომ ვიძლეოდი და ეს ყველაფერი იყო შედეგი იმ ტრავმისა და განცდებისა, რაც ვიხილე და რაზეც პოლიტიკური პასუხისმგებლობა ყველაფრის შედეგად ავიღე.

მე მინდა იცოდეს ინგამ, არასოდეს არ მითქვამს — ეს ასე იყო. ინტერვიუს შემდეგ, გვერდზე ოთახში მელოდა გერმანელი ექიმი — ალბათ, მისი ხარჯებიც შეტანილია [ბრალდების მხარის არგუმენტებში] და ალბათ ბოტოქსი ჰქვია იმასაც, მაგრამ, გერმანელი ექიმი მელოდა, რომელიც, შემდეგ, რამდენიმე დღის განმავლობაში ცდილობდა ჩემ განკურნებას", — განაცხადა სააკაშვილმა.

ამ წუთებში თბილისის საქალაქო სასამართლოში ამ წუთებში თბილისის საქალაქო სასამართლოში, მოსამართლე ბადრი კოჭლამაზიშვილი ე.წ. პიჯაკების საქმეს განიხილავს.

გაიგე მეტი: