ექსპრეზიდენტის, მიხეილ სააკაშვილის განცხადებით, ის სასამართლო დარბაზში სხდომის დაწყებამდე 3 საათით ადრე მოიყვანეს. მისი თქმით, მას არ აქვს ფუჭად დასაკარგი დრო და ითხოვს, სხდომაზე მაშინ მიიყვანონ, როცა ამის დრო იქნება.

"ამ სასამართლო დარბაზში მომიყვანეს 3 საათით ადრე, სასამართლო დაიწყო 50 წუთის დაგვიანებით და ეტყობა თქვენ ბევრი დრო გაქვთ. მე არ მაქვს ბევრი დრო, მე ვარ უმაღლესი თანამდებობის ერთ-ერთი პირი უკრაინის, მე ვარ საქართველოში აქტიური პოლიტიკოსი, მე ვარ რეგიონული პოლიტიკური ლიდერი, მე მაქვს ჩემი პოლიტიკური საქმიანობა და ნამდვილად არ მაქვს დრო ფუჭად ხარჯვის, კომედიებზე 4 საათით ადრე სადღაც სარდაფში მოყუჩების და კარგად დამწნილების.

მომიყვანეთ ხოლმე დროზე, როცა არის დრო და ყველა გამოცხადდეს დროზე, იმიტომ, რომ პატივისცემა, ეს არის პირველ რიგში, საზოგადოების პატივისცემა, რომელიც გარეთ არის ახლა, რომელიც მონიტორებთან არის და ამ ხალხს სჭირდება პარტივისცემა", — განაცხადა სააკაშვილმა.

ამ წუთებში თბილისის საქალაქო სასამართლოში, მოსამართლე ბადრი კოჭლამაზიშვილი ე.წ. პიჯაკების, ანუ ფულის გაფლანგვის საქმეს განიხილავს. ადვოკატებმა საქმის პროკურორის აცილება მოითხოვეს, რაც მან არ დააკმაყოფილა.

პარალელურად, საქალაქო სასამრთლოსთან ექსპრეზიდენტის მხარდამჭერების აქცია იმართება. ადგილზე მობილიზებულია პოლიცია.