Home Alone-ის სახლი საახალწლოდ Airbnb-ზე ქირავდება

90-იანი წლების სადღესასწაულო ფილმი Home Alone (მარტო სახლში)გამოგონილი სამყაროდან რეალურ ცხოვრებაში ინაცვლებს. დეკემბრიდან Airbnb-ზე გამოჩნდა სახლი, რომელშიც ეს ცნობილი ფილმი გადაიღეს და თუ დაჯავშნაში გაგიმართლებთ, ახალი წლის ღამეს ზღაპრულ სამყაროში გაატარებთ.

სახლი, რომელშიც კევინ მაკკალისტერმა შობის ღამე მშობლების გარეშე გაატარა, ახლა იღბლიან ადამიანთა ჯგუფს უმასპინძლებს, რომელიც მოახერხებს და დაჯავშნას სხვებს დაასწრებს. ეს ცნობილი სახლი ილინოისის შტატის პატარა სოფელ უინეტკაში მდებარეობს, ხოლო სტუმრებს კევინის უფროსი ძმა ბაზი, იგივე მსახიობი დევინ რეტრეი, უმასპინძლებს.

სახლში საკულტო ფილმიდან რამდენიმე დეტალიც იქნება გადმოტანილი, რისი ამოცნობაც ფანებს არ გაუჭირდებათ. სტუმრებს სახლში პოტენციური თავდამსხმელების წინააღმდეგ მახეების მოწყობა თავად შეეძლებათ. მათ ასევე 90-იანების არაჯანსაღი საკვები, კევინის მწვანე ხალათი და ბაზის ობობაც კი დახვდებათ.

სტუმრებს სახლში ახალი ფილმის სახელად Home Sweet Home Alone-ის ნახვაც შეეძლებათ, რომელიც მარტო სახლში დარჩენილი ბავშვის თავგადასავლის ახალ ვერსიას გვთავაზობს.

თუ დეტალურად აღარ გახსოვთ ეს სახლი როგორ გამოიყურება, გახსენებას ამ ფოტოებით შეძლებთ:

ასევე იხილეთ:

ბოლო ამბები:

გირჩევთ

Home Alone-ის სახლი საახალწლოდ Airbnb-ზე ქირავდება

ასევე იხილეთ:

კომენტარები

კვირის ტოპ-5

გირჩევთ

ახლა კითხულობენ