ბრიტანეთში კორონავირუსის ომიკრონის შემთხვევები დაფიქსირდა. ინფორმაციას ამის შესახებ BBC ავრცელებს. მედიის ცნობით, ახალი შტამი 2 ადამიანს გამოვლინდა.

მედია წერს, რომ მათ სამხრეთ აფრიკაში მოგზაურობის ისტორია აქვთ და ამ ეტაპზე თვიტიზოლაციაში იმყოფებიან. მიმდინარეობს დამატებითი კონტაქტების კვლევა.

დღეს სამხრეთ აფრიკიდან ნიდერლანდებში ჩასულ 61 მგზავრს კორონავირუსი დაუდასტურდა. როგორც New York Times წერს, ამ ეტაპზე, უცნობია არის თუ არა ეს კორონავირუსის ახალი, ომიკრონის შტამი — მიმდინარეობს ვარიანტების კვლევა.

კორონავირუსის ახალი ვარიანტი სამხრეთ აფრიკაში სამშაბათს დაფიქსირდა. ჯანდაცვის მსოფლიო ორგანიზაციამ ახალი შტამი შეშფოთების საგნად გამოაცხადა.

COVID-19-ის ახალი შტამის გამო ევროკავშირის ქვეყნები და ამერიკის შეერთხებული შტატები სამხრეთ აფრიკის ქვეყნებიდან ფრენების აკრძალვას აწესებენ. რეგულაციები დაწესდა საქართველოშიც. უწყებათაშორისი საკოორდინაციო საბჭოს გადაწყვეტილებით, 28 ნოემბრიდან 8 ქვეყნიდან შემოსულ მგზავრებს 14-დღიანი კარანტინის გავლა მოუწევთ.

გაიგეთ მეტი: