ქვიზი: შენი მონაცემები ინტერნეტში — რა იცი უსაფრთხოებაზე
ადამიანები ინტერნეტში სულ უფრო მეტ დროს ვატარებთ. ინტერნეტი 21 საუკუნის ვირტუალურ სამყაროდ იქცა, სადაც ისევე ვიქცევით, როგორც რეალურ ცხოვრებაში — ყოველდღიურად ვუზიარებთ აზრებს ახლობლებსა თუ სოციალურ ქსელში მყოფ სხვა მეგობრებს. ინტერნენეტის მეშვეობით ვყიდულობთ ნივთებს, ვუყურებთ ფილმებს, ვკითხულობთ წიგნებს და ა.შ. მეორე მხრივ კი, ინტერნეტის მოხმარების ყოველი წუთით სხვადასხვა კომპანიისთვის ახალ მონაცემებს ვქმნით. არ უნდა დაგვავიწყდეს, რომ არსებობენ კიბერთაღლითები, რომელთაც, რბილად რომ ვთქვათ, ჩვენი მონაცემების არაკეთილსინდისიერად გამოყენება შეუძლიათ.
რამდენად სწორად მოიხმართ ინტერნეტს? რამდენად ფრთხილი ხართ პირადი მონაცემების გაზიარებისას და უბრალოდ, რამდენად შეგიძლიათ ეს სივრცე უსაფრთხოდ გამოიყენოთ. ამ ყველაფრის გარკვევაში ქვემოთ მოცემული ქვიზით დაგეხმარებით.
ქვიზი: შენი მონაცემები ინტერნეტში — რა იცი უსაფრთხოებაზე
ტესტის დაწყება1 / 10 რა სიმბოლოებისგან უნდა შედგებოდეს პაროლი?
- საუკეთესო პაროლი საკუთარი სახელი და გვარია
- პაროლი ერთ დიდ ასოს, რამდენიმე რიცხვსა და სიმბოლოს მაინც უნდა შეიცავდეს, რათა დაცული იყოს
- პაროლად ყველგან ჩემ დაბადების წელს ვაყენებ
- ჩემი ძაღლის სახელი საუკეთესო პაროლია
2 / 10 რას უნდა დავაკვირდეთ, როდესაც სმარტფონში რაიმე აპლიკაციას ვაყენებთ?
- Play Store-ში ან App Store-ში დაწერილ შეფასებებს
- თუ აპლიკაციას 5-დან 5 ვარსკვლავი აქვს, მაშინ ის სანდოა
- აპლიკაციის გადმოწერამდე უნდა შევამოწმოთ ყველა ზემოთჩამოთვლილი ნიუანსი
- ამ შემთხვევაში აპლიკაციის ვიზუალი და აღწერა უმთავრესია
3 / 10 ვის შეიძლება გადავცეთ ჩვენი პერსონალური ინფორმაცია (პაროლები, ბარათის მონაცემები და ა.შ.)
- პირად ინფორმაციას მხოლოდ მეგობრებს ვუზიარებ
- ჩემი პირადი ინფორმაციის მესაიდუმლე წყალია
- ჩემი პირადი ინფორმაცია და მონაცემები მხოლოდ მშობლებმა იციან
- პირადი ინფორმაციისა და მონაცემების გაცემა არავისზეა რეკომენდებული, მშობლებზეც კი
4 / 10 რა ინფორმაციას გაუზიარებდი იმეილზე მოსული უცხო შეტყობინების ავტორს, რომელიც გამდიდრებას გპირდება
- ასეთი მეილი ერთხელ გავხსენი, ანგარიშის ნომერი მივეცი და მილიონი მართლა მოვიგე
- უცხო მეილების გახსნა საფრთხისშემცველია და ლინკებზე გადასვლით თაღლითებს პირადი ინფორმაციის მოპოვებაც შეუძლიათ
- დავაკვირდებოდი მეილის წარმომავლობას და საჭიროების შემთხვევაში ყველანაირ ინფორმაციას მივაწვდიდი
- თუ საუბარი კარგ საჩუქარზეა, მაშინ ლინკებს მაინც შევამოწმებ
5 / 10 სად ჯობია პაროლებისა და სხვა სენსიტიური ინფორმაციის შენახვა
- პაროლებს ვორდის ფაილში ვინახავ და დესკტოპზე მიგდია
- პაროლები ხელის გულზე მაქვს ჩამოწერილი
- პაროლებს მეგობრის ჩათში ვაგზავნი, უცებ რომ ვიპოვო ხოლმე
- პაროლების შესანახად რომელიმე დაცული აპლიკაციის, მაგალითად BitWarden-ის გამოყენება ჯობია
6 / 10 რომელი მესენჯერის გამოყენება ჯობია უსაფრთხო მიმოწერისთვის
7 / 10 რა ფუნქციებზე წვდომის უფლება უნდა მივცეთ გადმოწერილ აპლიკაციებს
- მოთხოვნებისა და აპლიკაციის წარმომავლობიდან გამომდინარე ყველა ფუნქციაზე წვდომას ინდივიდუალურად ვარჩევ
- კარგ აპლიკაციას მთელ ცხოვრებასაც დავუთმობდი
- ამას არასდროს დავკვირვებივარ, ალბათ ყველაფერზე
- ასეთი რამ თუ არსებობდა საერთოდ არ ვიცოდი
8 / 10 ამ ბრაუზერებიდან რომელში არ შეუძლია ინტერნეტ პროვაიდერს თქვენი აქტივობის ნახვა
9 / 10 რა ინფორმაციას უზიარებ Facebook-ს
- Facebook-მა უფრო მეტი იცის ჩემზე ვიდრე მე
- რა აზრი აქვს ინფორმაციის დამალვას?
- Facebook-ზე მთელი ჩემი პირადი ინფორმაცია მაქვს განთავსებული
- Facebook-ს მხოლოდ საბაზისო ინფორმაციას ვაწვდი
10 / 10 რაში შეუძლიათ კომპანიებს შენი ინფორმაციის გამოყენება
- კომპანიები ჩვენ ინფორმაციას რეკლამების, კონტენტისა და სხვა უამრავი მასალის შერჩევისთვის იყენებენ
- კომპანიები ჩვენს პირად ინფორმაციას საერთოდ არ აგროვებენ
- ჩვენს პირად ინფორმაციაზე დაყრდნობით კომპანიებს სესხების გამოტანა შეუძლიათ
- კომპანიები ჩვენს ინფორმაციას უსაფრთხოებისთვის საგულდაგულოდ ინახავენ და მათ არაფერში იყენებენ
მონაცემებს ხშირად თანამედროვე სამყაროს ნავთობსაც უწოდებენ. თუ გსურს მეტად გაერკვე იმაში, თუ რას გასცემ ინტერნეტში, ან რისი მიღება შეგიძლია, თუ მონაცემების შესახებ მეტს ისწავლი, 7-11 დეკემბერს DataFest Tbilisi იმართება. ეს ყოველწლიური ღონისძიება ამ მხრივ ცოდნას კიდევ უფრო გაგიღრმავებს.
კომენტარები