თელავის ცენტრალური საავადმყოფოს ექიმი კორონავირუსით გარდაიცვალა. ამის შესახებ ინფორმაცია კლინიკის ფეისბუქგვერდზე გამოქვეყნდა.

"სამწუხაროდ, კორონავირუსით კიდევ ერთი ექიმი გარდაიცვალა. თელავის ცენტრალური საავადმყოფო ვუსამძიმრებთ ოჯახს და სრულიად სამედიცინო საზოგადოებას, ჩვენი ექიმი-ტრანსფუზიონისტის, მარინე ნოზაძის გარდაცვალებას", — წერს თელავის ცენტრალური საავადმყოფო.

24 ნოემბრის მონაცემებით, საქართველოში კორონავირუსის 3 201 ახალი შემთხვევა დადასტურდა, გამოჯანმრთელდა — 4 098, ხოლო გარდაიცვალა — 64 ადამიანი.

ქვეყანაში Covid-19-ის პანდემიის გავრცელებიდან დღემდე დადასტურებული შემთხვევების საერთო რაოდენობა შეადგენს 822 383-ს, მათგან გამოჯანმრთელდა — 763 755, ხოლო ვირუსს ჯამში ემსხვერპლა 11 679 ადამიანი.