რამდენიმე თვეში პი ჯეი ჰოგანის საკულტო რომანტიკული კომედია My Best Friend's Wedding ოცი წლის გახდება. როგორც ფილმის შემქმნელები ამბობენ, თავდაპირველად ფილმს სულ სხვა დასასრული უნდა ჰქონოდა.

ჯულია რობერტსის პერსონაჟი, ჯულიანი ახალ ბიჭს გაიცნობდა, რომლის როლიც ჯონ კორბეტს უნდა შეესრულებინა. სცენები გადაღებული იყო, თუმცა როდესაც ის დასატესტად მიზნობრივ აუდიტორიას აჩვენეს, ყველა ამბობდა, რომ სურდათ ჯულიას პერსონაჟი მომკვდარიყო.

თუმცა კინოკომპანია, რომელიც ფილმს იღებდა უარზე იყო.

"პროდიუსერები ძალიან ნერვიულობდნენ, რადგან ჩვენ ფილმს ამერიკის ყველაზე დიდ ვარსკვლავთან, ყველაზე საყვარელ მსახიობ ჯულია რობერტსთან ვაკეთებდით და არავის სურდა ის მარტოსული და უბედური, მით უმეტეს მკვდარი დარჩენილიყო. სწორედ ამიტომ გადავწყვიტეთ, დაგვესრულებინა ისე, რომ უკმაყოფილო არავინ დარჩენილიყო. საბოლოო ჯამში კი ფილმის ბოლო ხუთი წუთი არის ის, რამაც მთელი ფილმი შეკრა და აქცია იმად, რაც დღეს არის", - თქვა 2015 წელს რეჟისორმა პი ჯეი ჰოგანმა.

საბოლოო ჯამში კინოსურათი წლის ერთ-ერთ ჰიტად იქცა, გაქირავებაში $300 მილიონამდე მოაგროვა, ოქროს გლობუსის სამი და ოსკარის ერთი ნომინაციაც დაიმსახურა.