ლევან კოღუაშვილის ფილმმა მეოთხე ბრაიტონი აზიური ფილმების მსოფლიო ფესტივალზე საუკეთესო ფილმის ნომინაციაში გაიმარჯვა.

აზიური ფილმების მსოფლიო ფესტივალი (AWFF) ყოველწლიურად ლოს-ანჯელესში ტარდება, რომლის მეშვეობითაც რეგიონის კინემატოგრაფიას უფრო მეტი ადამიანი ეცნობა. გარდა ამისა, კინოფესტივალი აზიურ და ჰოლივუდურ კინოინდუსტრიებს შორის კავშირების გაძლიერებას ისახავს მიზნად.

ლევან კოღუაშვილის ფილმისთვის საერთაშორისო ასპარეზზე ეს პირველი წარმატება არ არის. ნიუ-იორკში გამართულ ტრაიბეკას ფესტივალზე ფილმმა მეოთხე ბრაიტონი სამ მთავარ ნომინაციაში გაიმარჯვა. ეს ნომინაციებია: საუკეთესო ფილმი, საუკეთესო სცენარი და საუკეთესო მსახიობად დასახელებული ლევან თედიაშვილი.

ლევან კოღუაშვილის ფილმი მეოთხე ბრაიტონი კომედიური დრამაა, რომელიც შვილის დასახმარებლად ბრუკლინში წასული ქართველი მოჭიდავის შესახებ გვიყვება. ფილმის მსოფლიო პრემიერა ტრაიბეკას საერთაშორისო კინოფესტივალზე შედგა.

2022 წლის ოსკარის დაჯილდოებაზე მეოთხე ბრაიტონი საქართველოს სახელით საუკეთესო საერთაშორისო ფილმის ნომინაციაში გამარჯვებისთვის იბრძოლებს.