ექსპრეზიდენტის ადვოკატის, დიმიტრი საძაგლიშვილის განცხადებით, საკააშვილის ჯანმრთელობის მდგომარეობა გაუარესებულია და მას საწოლიდან წამოდგომა უჭირს. მისივე თქმით, მესამე პრეზიდენტთან კონსილიუმი დღესაც არ შესულა და ის ექიმებთან შეხვედრას ითხოვს.

"მისი ჯანმრთელობის მდგომარეობა, ბუნებრივია, არის გაუარესებული. ის არის ძალიან სუსტად, აწუხებს დაბალი წნევები. დღეს რამდენჯერმე იყვნენ შესული მასთან ოთახში, იმ მიზეზით, რომ ის ვერ ახერხებდა საწოლიდან წარმოდგომას და შესაბამისად, იქ მყოფი პირები გარკვეულწილად დაინტერესდნენ, თუ რაში იყო საქმე", — განაცხადა საძაგლიშვილმა.

ექსპრეზიდენტი უკვე 46 დღეა შიმშილობს. მიხეილ სააკაშვილი და მისი ადვოკატები სამოქალაქო კლინიკაში გადაყვანას ითხოვენ, თუმცა ხელისუფლება უარზეა — ამის ნაცვლად ის გლდანის ციხის სამკურნალო დაწესებულებაში გადაიყვანეს, სადაც იძულებით შეიყვანეს.

სტრასბურგის სასამართლოს გადაწყვეტილების შემდეგ სააკაშვილმა განაცხადა, რომ შიმშილობას შეწყვეტს, თუ სამოქალაქო კლინიკაში გადაიყვანენ. პასუხად იუსტიციის მინისტრმა თქვა, რომ მოხარული იქნებიან თუ არ იშიმშილებს, მაგრამ დათქმების გარეშე.

13 ნოემბერს მისმა ექიმმა განაცხადა, რომ სააკაშვილი თავს ცუდად გრძნობდა და საწოლიდან ვერ ადგა. 14 ნოემბერს კი მან აღნიშნა, რომ ექსპრეზიდენტი სუსტად არის, მაგრამ სასამართლო პროცესზე დასწრება შეუძლია. სურვილის მიუხედვად, ის პროცესზე ისევ არ დაასწრეს.