მაშინ, როცა American Airlines-ის რეისი 1353 დალასიდან ნიუ მექსიკოს ქალაქ ალბუკერკეში მიფრინავდა, დაშვებამდე რამდენიმე წუთით ადრე, ორი პილოტიდან ერთი ცუდად გახდა. ავიაციის ფედერალური ადმინისტრაციის ცნობით, კაპიტანმა მგზავრებს შეატყობინა, რომ არსებობდა "სამედიცინო ხასიათის" პრობლემა და ეშვებოდნენ ავარიულად. ბოინგ 737-ის კაპიტანმა, სტრესული სიტუაციის მიუხედავად, შეძლო თვითმფრინავის უსაფრთხოდ დაშვება.

CNN-ის ცნობით, მედიკოსები 40 წუთის განმავლობაში ცდილობდნენ პილოტის, უილიამ გრაბსის გადარჩენას, თუმცა, უშედეგოდ.

როგორც წესი, თანამედროვე თვითმფრინავების უსაფრთხოდ დაშვება ერთ პილოტსაც შეუძლია, თუმცა, ამ დროს ავარიული სიტუაციების რისკ ფაქტორები გაცილებით მაღალია. ფრენისას პილოტების გარდაცვალება იშვიათი შემთხვევაა.