გლდანის #18 დაწესებულებასთან ექსპრეზიდენტ მიხეილ სააკაშვილის ადვოკატები მივიდნენ, რომლებსაც ციხეში შესვლა სურთ. ისინი ვარაუდობენ, რომ ციხის ადმინისტრაცია არასამუშაო დროს მოიმიზეზეს და მაქსიმალურად ეცდება, არ შეუშვას ისინი.

"მაგრამ ახლა არ არის ორდინალური ვითარება. მაშინ, როდესაც ისინივე აკეთებენ განცხადებას და ცეცხლზე ნავთს ასხამენ და პროვოკაციბს აწყობენ, ბრეგაძეზეა საუბარი, ჩვენ ვითხოვთ, რომ დაუყოვნებლივ მოგვეცეს მიხეილ სააკაშვილთან შეხვედრის შესაძლებლობა. ამავდროულად, უნდა ითქვას და ხაზი გაესვას, რომ ეს არის სპეცოპერაცია — დღეს პენიტენციურმა სამსახურმა, საქართველოს მთავრობამ ჩაიდინა კრიმინალი, მათ არანაირი სამართლებრივი უფლება არ ჰქონდათ, მიხეილ სააკაშვილი გადმოეყვანათ #18 დაწესებულებაში, მაშინ, როდესაც ამაზე გაცხადებული უარი გვქონდა დაფიქსირებული", — აცხადებს ბექა ბასილაია.

მან ხაზი გაუსვა, რომ ეს არის არა ჰოსპიტალიზაცია, არამედკ სპეცოპერაცია.

ამასთან, მისივე თქმით, გლდანის #18 დაწესებულებაში მყოფი პატიმრების მუქარა და გინება, რაც სააკაშვილისკენაა მიმართული, წამებასთან გათანაბრებული მოპყრობაა.