რია ნოვოსტის ინფორმაციით, სამხრეთ ოსეთის რუსეთის ფედერაციაში შესვლის საკითხთან დაკავშირებული რეფერენდუმი ოკუპირებულ ტერიტორიაზე 2017 წელს ჩატარდება. ამის შესახებ დოკუმენტს ხელი სამხრეთ ოსეთის დე-ფაქტო პრეზიდენტმა, ლეონიდ ტიბილოვმა და პარლამენტის სპიკერმა, ანატოლი ბიბილოვმა მოაწერეს.

დოკუმენტში წერია:

"ვიხელმძღვანელეთ რა სამხრეთ ოსეთის მოსახლეობის გრეძელვადიანი ინტერესებით, მივიღწვით რათა უზრუნველვყოთ საზოგადოებრივ-პოლიტიკური სტაბილურობა სამხრეთ ოსეთის რესპუბლიკაში, საერთო განცხადებით გამოვდივართ, რომლითაც მხარს ვუჭერთ პოლიტსაბჭოს გადაწყვეტილებას, 2017 წელს ჩატარდეს რეფერენდუმი სამხრეთ ოსეთის რუსეთის ფედერაციის შემადგენლობაში შესვლასთან დაკავშირებით".

რია ნოვოსტის ინფორმაციით, რეფერენდუმის შედეგად კონსტიტუციაში შეტანილი ცვლილება დე-ფაქტო სამხრეთ ოსეთის პრეზიდენტს მისცემს საშუალებას, რუსეთის ფედერაციის პრეზიდენტს მიმართოს ფედერაციაში შესვლის თხოვნით.

ოკუპირებულმა სამხრეთ ოსეთმა 2008 წლის აგვისტოს ომის შემდეგ დამოუკიდებლობა გამოაცხადა და ის მალევე აღიარა რუსეთმა.