"შევხვდეთ თუნდაც კოსმოსში" — გაერო მასკის 6-მილიარდიან შეთავაზებას პასუხობს

გაეროს მსოფლიო საკვების პროგრამის აღმასრულებელმა დირექტორმა, დევიდ ბისლიმ ტვიტერზე დაპოსტა, რომ მსოფლიოს უმდიდრესი ადამიანების, მათ შორის ილონ მასკის ქონების მცირე პროცენტიც ეყოფოდა გლობალური შიმშილის პრობლემის გადაჭრას.

ამას მალევე გამოეპასუხა ილონ მასკი და თქვა, რომ თუ ხარჯები გამჭვირვალე იქნებოდა და მათ ნახვას ადამიანები შეძლებდნენ, ასევე თუ მას ზუსტად აუხსნიდნენ როგორ გადაჭრიდა 6 მილიარდი ამ პრობლემას, ის ტესლას წილს დაუყოვნებლივ გაყიდდა და ამ თანხას — 6 მილიარდ ამერიკულ დოლარს გაიღებდა.

დღეს გაეროს მსოფლიო საკვების პროგრამის აღმასრულებელმა დირექტორმა, დევიდ ბისლიმ ილონს ტვიტერით ისევ უპასუხა.

.@elonmusk Instead of tweets, allow me to show you. We can meet anywhere—Earth or space—but I suggest in the field where you can see @WFP’s people, processes and yes, technology, at work. I will bring the plan, and open books.
— David Beasley (@WFPChief) November 1, 2021

"ტვიტების დადების ნაცვლად, ნება მომეცით პირადად გნახოთ. შეგვიძლია შევხვდეთ ნებისმიერ ადგილზე, დედამიწასა თუ კოსმოსში. თუმცა უკეთესი იქნება, თუ ეს ისეთ ადგილას მოხდება სადაც ნახავთ გაეროს მსოფლიო საკვების პროგრამის ადამიანებს, პროცესსა და ტექნოლოგიას. მე მოვიტან გეგმასაც", — წერს დევიდ ბისლი.

დღეს ამ ყველაფერს World Food Programme-ს ოფიციალური გვერდიც გამოეხმაურა და მისივე აღმასრულებლის ტვიტი განმარტა. როგორც ჩანს, მხოლოდ მასკისა და ბეზოსის მცირე წილი კი არა, არამედ ამერიკის ტოპ 400 მილიარდერის მცირე ქონებაა საჭირო, რომ წელს 42 მილიონი ადამიანის სიცოცხლე გადარჩეს.

A one-time donation from the top 400 billionaires in the U.S. could help save the lives of 42 million people this year.

Here's why @WFPChief called on world billionaires to help WFP #FightFamine. 👇
— World Food Programme (@WFP) November 1, 2021