სენაკში საქართველოს შეიარაღებული ძალების მეორე ქვეითი ბრიგადის 23-ე ბატალიონის ავღანეთში გაცილების ცერემონიალი გაიმართა. ისინი ნატოს ეგიდით მიმდინარე მტკიცე მხარდაჭერის მისიაში ჩაერთვებიან. ინფორმაციას ცერემონია შესახებ თავდაცვის სამინისტრო ავრცელებს.

უწყების ინფორმაციით, გაცილების ცერემონიაზე საქართველოს თავდაცვის მინისტრი - ლევან იზორია, აშშ-ის თავდაცვის მდივნის თანაშემწის მოადგილე - ლაურა კუპერი და აშშ-ის ელჩი - იან კელი ესწრებოდნენ.

მეორე ქვეითი ბრიგადის 23-ე ბატალიონი ავღანეთში მყოფ მესამე ქვეითი ბრიგადის 32-ე ბატალიონს ჩაანაცვლებს. ქვედანაყოფის ამოცანა ბაგრამის საავიაციო ბაზის უსაფრთხოების დაცვა იქნება.