ცენტრალურ საარჩევნო კომისიის ცნობით, 12:00 საათის მდგომარეობით, საქართველოს თვითმმართველობის არჩევნების მეორე ტურში აქტივობა 17,18%-ია, რაც რაოდენობრივად 358 782 ამომრჩეველია.

პირველ ტურში ამ პერიოდის აქტივობა 17,72% იყო, ხოლო წინა, 2017 წლის თვითმმართველობის არჩევნების მეორე ტურში იგივე მაჩვენებელი 11,55% გახლდათ.

ამ დროისთვის ყველაზე მაღალი აქტივობა დაფიქსირდა რაჭა-ლეჩხუმში, სადაც ხმა ამომრჩეველთა 24,6%-მა მისცა. ხოლო ყველაზე დაბალია მცხეთა-მთიანეთში — 13,2%.

თბილისში 12:00 საათისთვის 164 929 ადამიანმა მისცა ხმა, რაც ამომრჩეველთა 16,5%-ია.

დღეს საქართველოში ადგილობრივი თვითმმართველობის არჩევნების მეორე ტური იმართება. კენჭისყრის შედეგად 5 თვითმმართველი ქალაქისა და 15 მუნიციპალიტეტის მერი, ასევე, 24 საარჩევნო ოლქში 42 მაჟორიტარი უნდა აირჩეს.

თბილისის მერობის არჩევნების მეორე ტურში ქართული ოცნების კანდიდატი, კახა კალაძე და ნაციონალური მოძრაობის კანდიდატი, ნიკა მელია გადავიდნენ.