საქართველოს პრეზიდენტი, გიორგი მარგველაშვილი ე.წ. მოსმენების კანონს ხელს აწერს. ამის შესახებ პრეზიდენტის საპარლამენტო მდივანმა, ანა დოლიძემ რამდენიმე წუთის წინ პრეზიდენტის ადმინისტრაციაში გამართულ ბრიფინგზე განაცხადა.

"საქართველოს პარლამენტმა არ გაითვალისწინა პრეზიდენტის მოტივირებული შენიშვნები, ე.წ. ვეტო მოსმენების კანონთან დაკავშირებით და ამით, ფაქტობრივად ხელიდან გავუშვით შესაძლებლობა, შეგვექმნა თვისობრივად ახალი, დამოუკიდებელი სისტემა," - აღნიშნა ანა დოლიძემ.

მისი თქმით, პრეზიდენტი პატივს სცემს საკონსტიტუციო სასამართლოს და მის გადაწყვეტილებას და ხელს აწერს პარლამენტის მიერ მიღებულ კანონს.

საქართველოს პარლამენტმა ე.წ. მოსმენების კანონზე საქართველოს პრეზიდენტის შენიშვნები არ გაითვალისწინა ვეტო 22 მარტს დაძლია.