უკრაინის ომბუდსმენი: სააკაშვილის უფლებების დარღვევებზე უკრაინის პრეზიდენტს, ელჩებს, ევროპარლამენტს მივმართავ
უკრაინის სახალხო დამცველი ლუდმილა დენისოვა ექსპრეზიდენტ მიხეილ სააკაშვილს შეხვდა. ციხიდან გამოსვლის შემდეგ მან განაცხადა, რომ დააფიქსირა მისი უფლებების დარღვევები რის შესახებაც აცნობებს, საქართველოს იუსტიციის მინისტრს, უკრაინის პრეზიდენტს, უკრაინაში ევროპული ქვეყნების საელჩოებსა და ევროპარლამენტარებს.
"მე შემიძლია ვთქვა, რომ ირღვევა ადამიანის უფლებები, კერძოდ, სამედიცინო მომსახურების უფლება, პროცესუალური უფლებები, აღმსარებლობის უფლება, რადგან მოჰყავთ ის სასულიერო პირები, ვინც სურთ და არა ისინი, ვისაც ითხოვს. უკრაინაში ჩასვლისთანავე ამ ინფორმაციას მივაწვდით ევროპული ქვეყნების ელჩებს. დავწერ ჩემს ანგარიშს ევროპულ პარლამენტისთვის, რაც ვნახე და დავასკვენი. შევხვდები საქართველოს ომბუდსმენს და ერთობლივ პოზიციას შევაჯერებთ ამ საკითხზე. რა თქმა უნდა, უკრაინაში მოვითხოვ პრეზიდენტთან შეხვედრას, რომ ვაცნობო ის ინფორმაცია, რაც მივიღე, მათ შორის, პირადად მიხეილისგან", — განაცხადა მან.
დენისოვა განმარტავს, რომ სააკაშვილი ითხოვს სასამართლოზე საჯარო განხილვის უფლებას, რაც აქამდე უზრუნველყოფილი არ არის, რითიც ირღვევა ადამიანის უფლებათა და თავისუფლებათა კონვენციის მე-6 თავი.
რაც შეეხება სააკაშვილის ჯანმრთელობის მდგომარეობას და მკურნალობას, დენისოვა ამბობს, რომ აპირებს მიმართოს იუსტიციის სამინისტროს, რათა საჭიროების შემთხვევაში სააკაშვილი კლინიკა ვივამედში გადაიყვანონ. მისი თქმით, აქვს ინფორმაცია, რომ პენიტენციურ სამსახურს ამ კლინიკასთან ხელშეკრულება აქვს და სხვადასხვა დროს იქ არაერთხელ გაუგზავნია პატიმრები.
როგორც დენისოვა ამბობს, სააკაშვილის სანახავად ჩამოსულია უკრაინელი ექიმიც და იმედი აქვს, რომ დღეს ან ხვალ დილიდან შეუშვებენ და შეძლებს მის გასინჯავს. მისივე თქმით, სააკაშვილმა განუცხადა, რომ ციხის კლინიკაში არ გადავა, რადგან სიცოცხლისთვის უსაფრთხოდ არ მიაჩნია.
"კოლონიის ეზოში არის რეანომობილი, თუმცა სარეანიმაციო ბრიგადას შეუძლია საჭიროების შემთხვევაში სისხლის გადასხმა და გულის მასაჟი, მაგრამ თუ საჭირო იქნება სასიცოცხლო ორგანოების ფუნქციონირების აღდგენა, ისინი ამის გაკეთებას ვერ შეძლებენ და საავადმყოფომდე მიყვანასაც სავარაუდოდ ვერ მოახერხებენ, ჩვენ კი ვიცით, რომ დღეს შიმშილობის 27-ე დღეა და ეს შესაძლებელია", — აცხადებს ის.
გარდა ამისა, დენისოვამ ისაუბრა იმაზე, რომ ქვეყანაში შემოსვლისას პრობლემები შეუქმნეს. კერძოდ, დაკითხეს და რამდენიმე ზარი დასჭირდა იმისთვის, რომ შემოსულიყო. მანვე აღნიშნა, რომ ამ ეტაპზე საქართველოს მთავრობასთან შეხვედრა დაგეგმილი არ აქვს.
"თქვენ მკითხეთ იმაზე, რომ გუშინ საქართველოში არ შემოუშვეს უკრაინელი ადვოკატი. მე უნდა ვთქვა, უბრალოდ, გუშინ ეს არ ვთქვი და არ მინდოდა დილით მეთქვა, რომ უცებ ციხეში შესვლაზე უარი არ ეთქვათ. გუშინ 40 წუთი მეკითხებოდნენ, რატომ ჩამოვედი საქართველოში, გამომკითხეს და დამაყოვნეს. მხოლოდ რამდენიმე ზარისა და მუქარის შემდეგ შემომიშვეს. ამიტომ, როგორც ჩანს ყველაფერი მარტივად არ არის", — განაცხადა მან.
მიხეილ სააკაშვილი პირველ ოქტობერს, მას შემდეგ დააკავეს, რაც სოციალურ ქსელში ვიდეო გაავრცელა, სადაც ჩანდა, რომ საქართველოში იმყოფებოდა. ის 27-ე დღეა შიმშილობს.
ექსპრეზიდენტის ექიმი და ადვოკატები მის სათანადოდ აღჭურვილ სამოქალაქო კლინიკაში გადაყვანას ითხოვენ. მათი თქმით, პენიტენციური სამსახურის მე-18 სამედიცინო დაწესებულება არ არის აღჭურვილი იმ აპარატურით, რაც საჭიროა მიხეილ სააკაშვილის ჯანმრთელობის მონიტორინგისა და მკურნალობისთვის.
სააკაშვილი გლდანის ციხეში მკურნალობის კატეგორიულად წინააღმდეგია. ექიმის ცნობით, კონსილიუმი თანხმდება, რომ საჭიროების შემთხვევაში, ექსპრეზიდენტი მრავალპროფილურ, მაღალი კლასის კლინიკაში უნდა გადაიყვანონ.
სახალხო დამცველიც მიიჩნევს, რომ ციხის საავადმყოფო სრულად არ შეესაბამება ექიმთა კონსილიუმის რეკომენდაციებს და ამასთან, არსებობს რისკები ექსპრეზიდენტის უსაფრთხოებაზეც. ჯანდაცვის მინისტრის, ეკატერინე ტიკარაძის მტკიცებით, მიუხედავად იმისა, რომ მე-18 სამედიცინო დაწესებულებას არ აქვს გადაუდებელი მიღების შესაძლებლობა, ის სრულადაა აღჭურვილი იმისთვის, რომ საჭიროების შემთხვევაში, მიხეილ სააკაშვილი მიიღოს. იგივე პოზიცია აქვს იუსტიციის სამინისტროსაც.
პრემიერმინისტრი ირაკლი ღარიბაშვილი კი ამტკიცებს, რომ სააკაშვილს აქვს "ილუზიები", თითქოს კერძო კლინიკაში გადაყვანის შემთხვევაში, 30 ოქტომბერს მისი მხარდამჭერები მობილიზდებიან და გაათავისუფლებენ. რაც შეეხება სააკაშვილის კერძო საავადმყოფოში გადაყვანას, ღარიბაშვილი აცხადებს, რომ ციხის საავადმყოფოში ყველა პირობა არის შექმნილი და ეს გადაწყვეტილება "არ გადაიხედება".
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები