შინაგან საქმეთა სამინისტროს ინფორმაციით, 21 ოქტომბერს, ბათუმში, ჯაყელის ქუჩაზე 1988 წელს დაბადებულმა პირმა ნაცნობს ცეცხლსასროლი იარაღიდან გასროლით რამდენიმე ჭრილობა მიაყენა და შემთხვევის ადგილიდან მიიმალა. დაჭრილი მამაკაცი საავადმყოფოში მიყვანიდან მალევე გარდაიცვალა. უწყებაში კონფლიქტის მიზეზად მიწის ნაკვეთთან დაკავშირებულ დავას ასახელებენ.

ბრალდებული პოლიციამ ხელვაჩაურის მუნიციპალიტეტში დააკავა. ამოღებულია დანაშაულის ჩადენის იარაღი — ავტომატური ცეცხლსასროლი იარაღი. შსს-ს ცნობით, ამოღებულია დაკავებულის მფლობელობაში არსებული ავტომობილი, რომლითაც ბრალდებულმა შემთხვევის ადგილი დატოვა.

გამოძიება განზრახ მკვლელობისა და ცეცხლსასროლი იარაღის უკანონო შეძენა-შენახვა ტარების ფაქტზე, სსკ-ის 108-ე და 236-ე მუხლებით მიმდინარეობს. დანაშაული 15 წლამდე ვადით თავისუფლების აღკვეთას ითვალისწინებს.