პრემიერმინისტრი, ირაკლი ღარიბაშვილი პირველ ოქტომბერს მიხეილ სააკაშვილის დაკავებასთან დაკავშირებით გამართულ ბრიფინგზე გაჟღერებულ მილოცვას განმარტავს.

პრემიერმინისტრი ჟურნალისტის კითხვას იმაზე, რომ ოპონენტები ამბობენ, სააკაშვილის დაკავება ბიძინობას დაამთხვია, პასუხობს, რომ ივანიშვილისთვის პირველ ოქტომბერს ბიძინობის მილოცვის მიზეზი მხოლოდ ის იყო, რომ ამ დღეს ბიძინა ჩოლოყაშვილის ხსენების დღეა.

"საერთოდ იმდენად მდარე ხარისხის განცხადებები მოვისმინე ოპოზიციის მხრიდან, რომ უხერხულიც კი არის მოსახლეობისთვის, რომ ამაზე გავაკეთო განმარტება, მაგრამ ვინაიდან არაერთგზის შეეხნენ ამ თემას, მე მინდა კიდევ ერთხელ განმარტება გავაკეთო, მოსახლეობას კი არა ოპონენტებს შევახსენო, რომ პირველი ოქტომბერი არის ქართველი წმინდანის, ბიძინა ჩოლოყაშვილის ხსენების დღე და ბიძინობა, ყველასთვის არის ცნობილი, რომ ესაა დღე, როდესაც ჩვენ აღვნიშნავთ ქართველი წმინდანის, ბიძინა ჩოლოყაშვილის დღეს, აქედან გამომდინარე, ამ კონტექსტში მე ვახსენე აღნიშნული თარიღი და ბიძინობა", — ამბობს ღარიბაშვილი.

პირველ ოქტომბერს, პრემიერმინისტრმა, მას შემდეგ, რაც საზოგადოებას სააკაშვილის დაკავება აცნობა, სამთავრობო ტრიბუნიდან ქართული ოცნების დამფუძნებელზე, ბიძინა ივანიშვილზეც ისაუბრა და მას ბიძინაობა, ასევე, 2012 წლის არჩევნებში გამარჯვებიდან 9 წლისთავი მიულოცა.