26 მარტს, 21:00 საათზე, ალტერ ვიჟენ ჯგუფის მოწვევით, ისლანდიელი მულტიინსტრუმენტლისტის, მომღერლისა და კომპოზიტორის, Soley-ს კონცერტი გაიმართება.

Soley-ს ლაივი, ალტერ ივენთსის ფარგლებში, ახალ საკონცერტო დარბაზში, სფეისჰოლში ჩატარდება.

მუსიკოსს კლასიკური მუსიკალური განათლება აქვს ფორტეპიანოს განხრით. სოლეიმ პირველი EP ალბომი, სახელად, Theatre Island 2010 წელს გამოუშვა. მომდევნო წელს დარელიზდა მისი პირველი LP ალბომი, We Sink, რომელსაც დადებითი შეფასება მოყვა კრიტიკოსების მხრიდან. სოლეის მუსიკა გამოირჩევა სასიამოვნო ჟღერადობით და დელიკატური ვოკალით, ხოლო მისი ტექსტები ხასიათდება ზღაპრული და ბნელი სურეალიზმით. თავად მუსიკოსი, სიმღერების ტექსტს ახასიათებს, როგორც სიზმრისეულს, სიურეალისტურს, თავისუფალს, სადაც თითოეული მსმენელი თავად განსაზღვრავს სიტყვების მნიშვნელობასაც და წარმოსახვასაც.

2013 წელს, ერთ-ერთი ტრეკი, ალბომიდან: Fight Them Soft სერიალი Misfits-ის საუნდტრეკი გახდა.

2014 წელს გამოიცა Soley-ს საფორტეპიანო ალბომი, სახელად Krómantík. მოგვიანებით, სოლეიმ ალბომი შემდეგნაირად დაახასიათა: "ღამე, ან მაშინ როცა ცივა და წვიმს, მისაღებ ოთახში ჩამოჯექი სკამზე და მოუსმინე. კუთხეში წარმოიდგინე აშლილი, ძველი პიანინო და მოხუცი ხელები. დაბერებული ხელები ამბავს მოგითხრობენ. არარეალური ხელები მანამ დაუკრავენ, სანამ Krómantík სიჩუმეს არ შეერევა და შენი დახუჭული თვალები დაინახავს იმას, რაც უფრო ღრმა და ბნელია".

Soley-მ მეორე LP ალბომი, სახელად: Aks The Deep 2015 წელს გამოუშვა.

Soley უახლოეს მომავალში კიდევ ორი EP ალბომის გამოშვებას აპირებს.