8 ოქტომბრის დილიდან, თითქმის 30 საათის განმავლობაში ბათუმში ასეულობით ადამიანი გარეთ იდგა და ელოდა, როგორ დამთავრდებოდა სამაშველო ოპერაცია. დილიდან მეორე დილამდე მაშველები ჩამოშლილი კორპუსიდან ქვებს, რკინის კონსტრუქციებს და პირად ნივთებს იღებდნენ, იმ იმედით, რომ ნანგრევების ქვეშ გადარჩენილებს იპოვიდნენ.

9 ადამიანი გარდაიცვალა. მათგან 3 არასრულწლოვანია — წლისა და 3 თვის, 7 და 12 წლის. გადარჩა მხოლოდ ერთი. ახლა ის კლინიკაშია, მძიმე მდგომარეობაში და ექიმები მისი სიცოცხლისთვის იბრძვიან.

ოფიციალური გლოვის დღე მთავრობამ 11 ოქტომბერს გამოაცხადა. ორშაბათს ქვეყნის მასშტაბით დროშები დაეშვება, ყველა ღონისძიება გაუქმდება, ტელევიზიები საინფორმაციო გამოშვებების ინტროს ხმას გაუთიშავენ და დაღუპულთა ხსოვნის პარაკლისები გაიმართება.

მაგრამ ქვეყანა უკვე გლოვობს. ბათუმში, 26 მაისის ქუჩაზე, ჩამონგრეული კორპუსის მიმდებარედ, სადაც უსაფრთხოებისთვის ჯებირები აღმართეს, ადგილობრივები იკრიბებიან, სანთლებს ანთებენ და ყვავილები მიაქვთ.

ფოტო: მიკი ცეცხლაძე / On.ge

ფოტო: მიკი ცეცხლაძე / On.ge

ფოტო: მიკი ცეცხლაძე / On.ge

ჯებირებთან ბევრი სათამაშო მიიტანეს, იმ ბავშვების ხსოვნისთვის, ვინც გუშინდელ ტრაგედიას ემსხვერპლა. ბათუმელები ლოცულობენ და ტერიტორიას უხმოდ ტოვებენ. ქალაქი დუმს.

ფოტო: მიკი ცეცხლაძე / On.ge

ფოტო: მიკი ცეცხლაძე / On.ge

ჯებირები ერთგვარ მემორიალად იქცა. 26 მაისის ქუჩაზე ასეთი ორი ადგილია. ერთი უშუალოდ ჩამონგრეული კორპუსის გვერდით. საპატრულო პოლიციას იქ მისასვლელი გზა გადაკეტილი აქვს, თუმცა რამდენიმე ადგილობრივმა მისვლა და სანთლების დანთება მაინც შეძლო.

ფოტო: მიკი ცეცხლაძე / On.ge

ფოტო: მიკი ცეცხლაძე / On.ge

პარალელურად კი ათეულობით მოქალაქე გაერთიანდა იმისთვის, რომ დაშავებულებს საჭირო ნივთებით და ფინანსურად დაეხმაროს.

ფოტო: მიკი ცეცხლაძე / On.ge

ფოტო: მიკი ცეცხლაძე / On.ge

ამავე თემაზე: