დღეს, 21 ნოემბერს, ჰააგის სისხლის სამართლის საერთაშორისო სასამართლომ, ისრაელის პრემიერმინისტრის ბენიამინ ნეთანიაჰუსა და ყოფილი თავდაცვის მინისტრის იოავ გალანტის დაკავების ორდერი გასცა. მათ ბრალდებად ომის კრიმინალი და კაცობრიობის წინააღმდეგ ჩადენილი დანაშაული — ღაზაში არსებული ომის სახით.

"არსებობს საფუძვლიანი ვარაუდი, რომ ნეთანიაჰუსა და გალანტს ეკისრებათ პასუხისმგებლობა ღაზის მოსახლეობის შიმშილსა და რომ შიმშილი გამოიყენებოდა ომის იარაღად. არსებობს საფუძვლიანი ვარაუდი, რომ ნეთანიაჰუმ და გალანტმა შეგნებულად აღკვეთეს ღაზის მშვიდობიანი მოსახლეობისთვის საკვების, წყლის, მედიკამენტების, საწვავისა და ელექტროენერგიის მიწოდება", — ნათქვამია პრეს-რელიზში

ჰააგის სასამართლოს დაკავების ორდერი გაცემულია ჰამასის ოფიციალურ პირებზეც.

ეს გადაწყვეტილება ნეთანიაჰუს და სხვებს აქცევს საერთაშორისო ძებნილ ეჭვმიტანილებად და ყველაფერთან ერთად, იზოლაციაში მოაქცევს მათ და გაართულებს ცეცხლის შეწყვეტის შესახებ მოლაპარაკებებს 13-თვიანი კონფლიქტის დასრულების შესახებ. მაგრამ, მისი პრაქტიკული გამოვლინება არის შეზღუდული, რადგან ისრაელი და მისი მთავარი მოკავშირე, შეერთებული შტატები, არ არიან სასამართლოს წევრები და ჰამასის არაერთი მნიშვნელოვანი პირი კი კონფლიქტის მიმდინარეობის პერიოდში მოკლეს.

ნეთანიაჰუ და სხვა ისრაელის ლიდერებმა დაგმეს სისხლის სამართლის საერთაშორისო სასამართლოს მთავარი პროკურორის, კარიმ ხანის, ორდერი და ქმედება შეაფასეს ყალბი, უპატივცემულო, აბსურდული და ანტისემიტური.

აშშ-ის პრეზიდენტმა ჯო ბაიდენმა ასევე გამოეხმაურა პროკურორს და ისრაელისადმი მხარდაჭერა გამოთქვა და აღნიშნა, რომ ისრაელის უფლება აქვს თავი ჰამასისგან დაიცვას.