ოქტომბრის დადგომა ბევრისთვის ჰელოუინის დღესასწაულთან ასოცირდება, რაც იმას ნიშნავს, რომ წელს Squid Game-ის გავლენით მწვანე სპორტულებსა და წითელ კომბინეზონებში გამოწყობილ უამრავ ადამიანს ვნახავთ.

როგორც ჩანს, ჰელოუინისა თუ ტიკტოკის ტრენდებისთვის მზადებას საზოგადოების ნაწილი განსაკუთრებული სერიოზულობით ეკიდება. ამის დასტური კი Vans-ის ფირმის თეთრი ფეხსაცმელია, რომელიც კალმარის თამაშში მონაწილეებს აცვიათ. ფეხსაცმლის გაყიდვები სერიალის გამოსვლიდან 7 800%-ით გაიზარდა.

აღსანიშნავია ისიც, რომ ინტერნეტში წითელ კომბინეზონებს ბოლო რამდენიმე კვირის განმავლობაში 62%-ით მეტი ადამიანი ეძებს. მწვანე სპორტულები კი თვალის დახამხამებაში იყიდება.

ასე რომ, თუ 31 ოქტომბერს მწვანე სპორტულებსა და წითელ კომბინეზონებში ჩაცმულ ადამიანებს შორის აღმოჩნდით, ვალების გადათვლა საჭირო არაა: თქვენ უბრალოდ 2021 წლის ჰელოუინზე ხართ და არა — სასიკვდილო თამაშებში.

ამავე თემაზე: