ქართული ოცნების დეპუტატის, სოზარ სუბარის თქმით, ის, რომ მიხეილ სააკაშვილი ნელსონ მანდელა არ არის და ციხეში ჩასაჯდომად არ ჩამოსულა, მისი თხოვნებიდან ჩანს.

"ის, რომ ის [სააკაშვილი] ნელსონ მანდელა არ არის და ციხეში ჩასაჯდომად არ ჩამოსულა, კარგად ჩანს დღეს მისი სასოწარკვეთილი თხოვნებიდან, რომ უკრაინამ, იქნებ, დააბრუნოს, ვისი მოქალაქეც არის, მოითხოვოს და დააბრუნოს თავის ქვეყანაში და ამას აჟღერებს ხან თავისი პირით, ხან თავისი ადვოკატების თუ თავისი მხარდამჭერების პირით", — განაცხადა სოზარ სუბარმა იმედის ეთერში.

მისი თქმით, სცენარი იყო ის, რომ ექსპრეზიდენტს ასი ათასი ადამიანი დახვდებოდა და მის დაჭერას ვერავინ გაბედავდა, თუმცა მას სულ სხვა რეალობა დახვდა.

"ჯერ ერთი, თვითონ სააკაშვილიც და მისი პარტიის წევრებიც ღიად ლაპარაკობენ თვეების და წლების განმავლობაში, რომ სახელმწიფო გადატრიალება, რაღაცა ძალით შემოჭრა ქვეყანაში — ეს არი მათი მიზანი.

რომ მოადგება საზღვარს, დახვდება აქ ასი ათასი ადამიანი და ვერავინ ვერ გაბედავს მის დაჭერას — ეს იყო რეალურად სცენარი, თუმცა ძალიან გაუცუდდა იმედები იმიტომ, რომ საქართველოში დღეს სხვა რეალობაა და ამ რეალობას ის ვერ აღიქვამდა, მაგრამ როგორც ჩანს, ვერც მისი თანაგუნდელები აღიქვამდნენ ქვეყნის შიგნით ან აღიქვამდნენ, მაგრამ მათაც ეგონათ, რომ სააკაშვილი არ შემოვიდოდა საქართველოში და ამიტომაც აქედან სულ სხვა ინფორმაციას აწვდიდნენ, რო ჩვენ, აი, ესე ძლიერად ვმუშაობთ, აქ არი მუხტი და ერთადერთი შენი ჩამოსვლაღა არი საჭირო", — განაცხადა სოზარ სუბარმა.

27 სექტემბერს მიხეილ სააკაშვილმა სოციალურ ქსელში თვითმფრინავის ბილეთი გამოაქვეყნა, რომლის მიხედვითაც 2 ოქტომბერს ჩამოფრინდება. ბილეთის მიხედვით, ის საქართვლოში დედასთან, გიული ალასანიასთან ერთად ჩამოვა. გუშინ, 28 სექტემბერს, ნაციონალური მოძრაობის თავმჯდომარემ, ნიკა მელიამ სააკაშვილთან საუბარი და მისი სიტყვები გაიხსენა — "აქვს ნათქვამი, მირჩევნია ციხეში ვიჯდე, არ მინდა აქ ყოფნაო".

გაიგე მეტი: