10 რამ, რაც ფეისბუქის გათიშვამ გაგვახსენა

4 სექტემბერს თბილისის დროით საღამოს საათებში, როცა დამღლელი ორშაბათის შემდეგ უმეტესი ჩვენგანი სოციალურ ქსელებში აპირებდა დროის ისე გაყვანას, როგორც ამას სხვა დღეებში ვაკეთებდით, სწორედ მაშინ გაითიშა ფეისბუქი და მასთან დაკავშირებული ისეთი გიგანტი პლატფორმებიც, როგორებიც Messenger, Whatsapp და Instagram-ია.

სანამ ამ ფაქტის გამო აპოკალიფსური სცენარები ითხზვებოდა და ერთმანეთზე უფრო სახალისო მიმები ვრცელდებოდა, პარალელურად სოციალური ქსელების ქართველი მომხმარებლების დიდ ნაწილს იმ რაღაცების გახსენება მოუწია, რაც აქამდე დავიწყებული ჰქონდა ან საკმარის ყურადღებას არ აქცევდა.

აი, ესეც რამდენიმე მაგალითი:

1. როგორი იყო 90-იანები

მართალია, ელექტროენერგიის მოწოდება არ შეწყვეტილა, მაგრამ ფეისბუქის დაახლოებით 6-საათიანი კოლაფსი სწორედ შუქის მოულოდნელად გათიშვას ჰგავდა: აღარ ვიცოდით, რა უნდა გვეკეთებინა.

2. და როგორია "შუქის მოსვლის" სიხარული

ფეისბუქის მუშაობის განახლებას მხოლოდ ამ სიხარულს თუ შევადარებთ.

3. SMS-ები

აღიარეთ, მობილურზე SMS-ები ბოლოს როდის იყიდეთ?

4. ან სულაც ერთმანეთთან დარეკვა

უმეტესობას სახლის ტელეფონები აღარ გვაქვს, თორემ სრული კომპლექტი იქნებოდა.

5. თურმე ოჯახის წევრებსაც შეიძლება გამოველაპარაკოთ

სმარტფონებიდან რომ ამოვძვერით, გაგვახსენდა, რომ მარტო არ ვცხოვრობთ.

6. შუა გზაში მიტოვებული წიგნის კითხვა გავაგრძელეთ

აქამდე კი ვიმართლებდით თავს, თავისუფალი დრო არ გვაქვსო და თურმე, უცებ შეიძლება გამონახო ეგ დრო.

7. გამოძინება მოვასწარით

ნაკლები დრო დავხარჯეთ ფუჭად და სულ ცოტათი მეტი დრო — სიზმრებში.

8. თურმე ტვიტერიც არსებობს

საქართველოში რატომღაც ეს სოციალური ქსელი პოპულარობით არ სარგებლობს, თუმცა ტვიტერმა ისარგებლა ამ შესაძლებლობით და ყველას გაახსენა თავისი თავი და თანაც გვაცნობა, რომ ზოგიერთ პლატფორმაზე უფრო გამართულად მუშაობს...

9. იუთუბზე ვიდეოებს ჩამოვუყევით

მათ შორის ინგლისური ენა გავიუმჯობესეთ ინდოელი მასწავლებლების დახმარებით.

10. კიდევ ერთხელ გავიაზრეთ, თუ რამდენად დამოკიდებულები ვართ სოციალურ ქსელზე

თუ ვინმე მანამდე როგორღაც თავს იტყუებდა, ამ გამოცდილებამ ნათლად დაგვანახა, რომ სოციალურ ქსელებისგან თუნდაც რამდენიმე საათით მოწყვეტა ბევრ ჩვენგანს ლამის პანიკურ შფოთვას უჩენს.

ბოლო ამბები:

გირჩევთ