კახეთში ძლიერმა სეტყვამ რამდენიმე მუნიციპალიტეტი დააზიანა. განადგურებულია ვენახები და საცხოვრებელი სახლები.

კახეთის გუბერნატორის, ირაკლი შიოშვილის განცხადებით, ყველა დაზარალებული ადგილობრივის სახლი გადაიხურება და მოსახლეობას საფრთხე არ ემუქრება.

"ძლიერმა სეტყვამ დააზიანა სამი მუნიციპალიტეტის სავარგულები, კერძოდ, ვენახები. ასევე, გვაქვს ამჟამად ინფორმაცია, რომ საგარეჯოს მუნიციპალიტეტში არის 7 სახლი დაზიანებული, 3 სახლი ყვარლის მუნიციპალიტეტში. მინდა განვაცხადო, რომ ყველა სახლი გადახურული იქნება და ჩვენს მოსახლეობას არანაირი საფრთხე არ ემუქრება", — განაცხადა კახეთის გუბერნატორმა.

ამ ეტაპზე ზარალის ოდენობა დადგენილი არ არის.