უნიჭიერეს მუსიკოს ბილი აილიშს ჩვენი გაოცება არასდროს უჭირს, თუმცა წლევანდელი მეთ გალას ღონისძიებაზე მისმა გამოჩენამ ნამდვილად ყველა მოლოდინს გადააჭარბა. ოსკარ დე ლა რენტას საოცარ კაბაში გამოწყობილმა ყველანი მოგვაჯადოვა და მშვენიერი მერილინ მონროც გაგვახსენა.

აღსანიშნავია, რომ ბილი აილიშმა ოსკარ დე ლა რენტას კაბა ერთი პირობით მოირგო: მოდის სახლს ბეწვის გამოყენებაზე უარი უნდა ეთქვა. ვეგანი და ცხოველების უფლებათა დამცველი მომღერალი არ თანამშრომლობს ბრენდებთან, რომლებიც ბეწვს იყენებენ. კომპანია პირობას დათანხმდა.

"ჩემთვის გამაოგნებელია, რომ 2021 წელია და ბეწვის ტარება ჯერ კიდევ არაა აკრძალული", — განაცხადა ბილიმ ერთ-ერთ ინტერვიუში.

19 წლის ვარსკვლავი, რომელსაც საზოგადოება მწვანე თმითა და დიდი ზომის სამოსით იცნობს, ღონისძიებაზე მსგავსი ზღაპრული სტილით პირველად წარსდგა.

"მას ძალიან უნდოდა, ყველა ისეთი სტილით გაეოცებინა, როგორიც აქამდე არ მოურგია", — განაცხადა ოსკარ დე ლა რენტას შემოქმედებითმა ხელმძღვანელმა ფერნანდო გარსიამ.

ამავე თემაზე: