საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა, რომ იმ შემთხვევაში, თუ ეპიდემიოლოგიური ვითარების სტაბილიზაციის ტენდენცია შენარჩუნდება, 4 ოქტომბრიდან საბავშვო გასართობი ცენტრები განაახლებენ მუშაობას.

"საკოორდინაციო საბჭოს გადაწყვეტილებით, იმ შემთხვევაში, თუ ეპიდემიოლოგიური ვითარების სტაბილიზაციის ტენდენცია შენარჩუნდება, 4 ოქტომბრიდან მუშაობას განაახლებენ საბავშვო გასართობი ცენტრები", — განაცხადა გიორგი ღიბრაძემ.

13 სექტემბრის მონაცემებით, საქართველოში კორონავირუსის 946 ახალი შემთხვევა დადასტურდა, გამოჯანმრთელდა 4 351, ხოლო გარდაიცვალა — 48 ადამიანი.

ბოლო 24 საათში ქვეყნის მასშტაბით ჩატარდა 17 192 კვლევა ტესტით, მათ შორის, 9 442 კვლევა ანტიგენის ტესტით და 7 750 PCR ტესტით.