რეგიონალური განვითარებისა და ინფრასტრუქტურის მინისტრის, ირაკლი ქარსელაძის განცხადებით, მერობის კანდიდატების წარდგენა პირადად პრემიერმინისტრისა და პარლამენტის თავმჯდომარის მიერ არის ქართული ოცნების ფილოსოფიური გადაწყვეტილება. ქარსელაძის თქმით, ეს გულისხმობს მოსახლეობის საჭიროებების პირადად გაცნობას.

"პრემიერმინისტრის, პარლამენტის თავმჯდომარის, ჩვენი კოლეგების აქ ყოფნა არის ის სიახლოვე, რომელის გარეშეც ჩვენი თქვენი საჭიროება იმდენად კარგად არ ვიცით. სწორედ აი ეს კამპანია, როდესაც პრემიერმინისტრი, პარლამენტის თავმჯდომარე პირადად ასახელებდნენ შესაბამის, ძალიან ღირსეულ კანდიდატებს, არის ფორმა და არის ფილოსოფიური გადაწყვეტილება, რომელიც ქართულ ოცნებას გააჩნია, რომ იყო ახლო, გაიგო პირდაპირ და გააკეთო შესაბამისი საჭიროების გადაწყვეტა", — განაცხადა ირაკლი ქარსელაძემ.

ეს განცხადება მინისტრმა ბორჯომის მერობის კანდიდატის წარდგენისას გააკეთა.

გაიგე მეტი: