ცენტრალური საარჩევნო კომისიის ინფორმაციით, პარტიულ სიებს, რომლებშიც კანდიდატთა რაოდენობა საარჩევნო კოდექსით დადგენილ მინიმუმზე ნაკლებია, კონკრეტულ შემთხვევაში რეგისტრაცია შესაძლოა არ გაუუქმდეთ.

ცესკოს ცნობით, განიხილება საკითხი, რომ ეს მოხდეს გარდა იმ შემთხვევებისა, თუ რეგისტრირებულ კანდიდატს შეუწყდა საქართველოს მოქალაქეობა და აღნიშნულის დამადასტურებელი დოკუმენტი ოფიციალურად წარედგინა საარჩევნო კომისიას, თუ რეგისტრირებულ კანდიდატს საარჩევნო რეგისტრაციის შემდგომ შეეზღუდა პასიური საარჩევნო უფლება და ამის დამადასტურებელი დოკუმენტი ოფიციალურად წარედგინა საარჩევნო კომისიას და თუ რეგისტრირებული კანდიდატი კენჭისყრის დღემდე არაუგვიანეს მე-12 დღისა, კანონით დადგენილი წესით გაიწვია მისმა წარმდგენმა პარტიამ.