ქობულეთში საოჯახო სასტუმროების მეპატრონეები აქციას მართავენ და სესხების გადავადებას ითხოვენ. მათი თქმით, წელს ეპიდსიტუაციის გამო ტურისტული სეზონი ჩავარდა და ბანკებში გადახდას ვერ შეძლებენ.

ისინი გამგეობის შენობაში შევიდნენ და მთავრობის წარმომადგენლებთან შეხვედრას ითხოვენ, წინააღმდეგ შემთხვევაში კი შენობის დატოვებაზე უარს ამბობენ. მათი ინფორმაციით, ფინანსთა მინისტრი და მერი შეხვდებათ. მოსახლეობას აქვს მოლოდინი, რომ მთავრობა მათ მოთხოვნებს დააკმაყოფილებს.

აღსანიშნავია, რომ ქობულეთში ეს პირველი საპროტესტო აქცია არაა, ადგილობრივები ამბობენ, რომ ისინი რამდენიმე დღეა ამ მოთხოვნებით მთავრობის წარმომადგენლებთან გასაუბრებას ცდილობენ. მსგავსი აქცია ქობულეთში გასულ წელსაც გაიმართა.