ეკონომიკის მინისტრმა, გიორგი გახარიამ მთავრობის დღევანდელი სხდომის შემდეგ გამართულ ბრიფინგზე, რუსთავი 2-ის საქმეზე, სტრასბურგის გადაწყვეტილებაზე ისაუბრა.

როგორც გახარია ამბობს, პირადად მისთვის აღსრულების მექანიზმის კითხვის ნიშნის ქვეშ დაყენება და ასევე, საკუთრების უფლების კითხვის ნიშნის ქვეშ დაყენება ძალიან სერიოზული პრობლემაა.

გიორგი გახარია მიიჩნევს, რომ მისთვის მნიშვნელოვანია ის, რასაც ეკონომიკაზე ექნება ეფექტი:

"აღსრულების მექანიზმის მსგავს შეჩერებას და საკუთრების, რანჟირების პირობებში, უფრო დაბლა დაყენება, ვიდრე გამოხატვის უფლება, ჩემთვის პრობლემაა და ვთვლი, რომ არ არის ერთმნიშვნელოვანი და ეს საკმაოდ სერიოზული გადაწყვეტილებების და მსჯელობის საგანი უნდა იყოს".

სტრასბურგის ადამიანის უფლებათა ევროპულმა სასამართლომ, უზენაესი სასამართლოს გადაწყვეტილების აღსრულება, რუსთავი 2-ის საქმეზე, უვადოდ შეაჩერა.