CFA ინსტიტუტი

CFA ინსტიტუტი გლობალური ორგანიზაციაა, რომელიც ფინანსებისა და ინვესტიციების სფეროში დასაქმებულ პროფესიონალებს საერთაშორისო საგანმანათლებლო პროგრამებს სთავაზობს და ამ ინდუსტრიაში ეთიკის, განათლებისა და პროფესიული განვითარების უმაღლესი სტანდარტების დანერგვას უწყობს ხელს.

CFA პროგრამა

The Chartered Financial Analyst, CFA — სერტიფიცირებული ფინანსური ანალიტიკოსის პროგრამა ინვესტიციების მენეჯმენტის სფეროში გლობალურად აღიარებული პროგრამაა, რომელიც განკუთვნილია პორტფელისა და აქტივების მმართველებისთვის, საინვესტიციო და კვლევითი ანალიტიკოსებისთვის, საინვესტიციო გადაწყვეტილებების მიღების პროცესში ჩართული პროფესიონალებისთვის და ფინანსებით დაინტერესებული იმ პირებისთვის, რომელთაც კარიერის გაგრძელება საინვესტიციო/პორტფელის მენეჯმენტის მიმართულებით სურთ.

სერტიფიცირებული ფინანსური ანალიტიკოსის წოდების (CFA charter) მიღებისთვის კანდიდატებს სამი დონის გამოცდის ჩაბარება და შესაბამისი სამუშაო გამოცდილების მოგროვება მოეთხოვებათ. გამოცდებისთვის მზადებით თითოეული კანდიდატი გამოიმუშავებს საკუთარ თავზე მუშაობისა და თვითდისციპლინის უნარ-ჩვევებს, რომლებიც პროფესიული საქმიანობისთვის ერთ-ერთი ღირებული კომპონენტია.

პროგრამის უპირატესობები

პირველი სარგებელი, რასაც კანდიდატი სერტიფიცირებული ფინანსური ანალიტიკოსის (CFA) პროგრამაში ჩართვის შემდეგ იღებს, განათლებაა. გამოცდებისთვის მზადებითა და შესაბამისი წოდების მოპოვებით, ღირებული ცოდნის მიღების გარდა, კანდიდატის რეზიუმეს საერთაშორისო ხარისხი ენიჭება, კანდიდატს კი გლობალური დასაქმების შესაძლებლობა ეძლევა.

პროგრამის კიდევ ერთი უპირატესობა რეპუტაციაა. ამ სფეროში მოღვაწე პროფესიონალებისთვის ცნობილია, თუ რამდენად დიდ დროსა და ერთგულებას მოითხოვს სერტიფიცირებული ფინანსური ანალიტიკოსის (CFA) გამოცდებისათვის მზადება და პროფესიული წოდების მიღება; შესაბამისად, პოტენციური დამსაქმებლების თვალში ამ წოდების მქონე კანდიდატი საქმისადმი ერთგულებით, ეთიკური ღირებულებებითა და ანალიტიკური უნარებით გამოირჩევა.

რა სარგებელი შეიძლება მოუტანოს წოდებამ კანდიდატის კარიერას?

პროგრამა განკუთვნილია ფინანსების სფეროში დასაქმებული პროფესიონალებისთვის, განსაკუთრებული ღირებულება კი მას ინვესტიციების/პორტფელის მართვის მიმართულებით მომუშავე პირებისთვის აქვს. ეს სფერო დღითიდღე კონკურენტუნარიანი და მოთხოვნადი ხდება და სერტიფიცირებული ფინანსური ანალიტიკოსის (CFA) პროფესიული წოდების მოპოვება ამ მხრივ ერთ-ერთი მნიშვნელოვანი უპირატესობაა. ინვესტიციების მენეჯმენტის გარდა, ეს წოდება სხვა მომიჯნავე მიმართულებებითაც სასარგებლოა: იქნება რაოდენობრივი და ფინანსური ანალიზი, ფინანსური კონსალტინგი და სხვა.

BDO Academy გთავაზობთ ინტენსიურ და ინტერაქციულ 4 თვიან სერტიფიცირებული ფინანსური ანალიტიკოსის (CFA) პირველი დონის გამოცდისთვის მოსამზადებელ კურსს, რომელსაც ანა ბაზიარი გაუძღვება. ანა საქართველოს ეროვნული ბანკის ფასიანი ქაღალდების ბაზრის ზედამხედველობის განყოფილების უფროსია. მას ჩაბარებული აქვს CFA პროგრამის სამივე დონის გამოცდა და 2021 წლის აგვისტოდან სერტიფიცირებული ფინანსური ანალიტიკოსის წოდების მფლობელია (CFA Charterholder).

სერტიფიცირებული ფინანსური ანალიტიკოსის პირველი დონის გამოცდისთვის მოსამზადებელი კურსი BDO Academy-ში 4 ოქტომბრიდან იწყება.

დამატებითი ინფორმაცია CFA-ის შესახებ შეგიძლიათ აქ იხილოთ.