პანკისში დაკავებულ 5 პირს სასამართლომ აღკვეთის ღონისძიების სახით პატიმრობა შეუფარდა. აღნიშნულზე ინფორმაცია On.ge-ს სასამართლოში დაუდასტურეს.

სახელმწიფო უსაფრთხოების სამსახურის ინფორმაციით, პანკისში დაკავებული 5 პირი ტერორისტულ ორგანიზაცია ისლამურ სახელმწიფოში გაწევრიანდა და გეგმავდა სირიაში, ტერორისტების ბანაკში გამგზავრებას. გარდა ამისა, სუს-ის ინფორმაციით, ისინი ქუჩაში გადაადგილებისას სისტემატურად ახდენდნენ ტერორისტული სიმბოლიკის დემონსტრირებას.