გირჩი — მეტი თავისუფლების ლიდერი, ზურაბ ჯაფარიძე ვახო სანაიაზე თავმდამსხმელების გათავისუფლებას წინასაარჩევნოდ მმართველი პარტიის სასარგებლოდ კრიმინალური სამყაროს გააქტიურებას უკავშირებს. მისი თქმით, ქართულ ოცნებამ არ გაანაწყენა ხალხი, რომელსაც "ქუჩის დასალაგებლად" იყენებს.

"ვახო სანაიას შემთხვევაში რაც მოხდა, აჩვენებს იმას, რომ მოდის არჩევნები და არჩევნებისათვის მათ სჭირდებათ ე.წ. ქუჩის დალაგება. ანუ, სჭირდებათ ხმები, რომლებსაც ამობილიზებენ, როგორც წესი, კრიმინალური სამყაროს გამოყენებით, ნახევრად კრიმინალური ელემენტებით. ეს არის, რასაც ეძახიან ქუჩის დალაგებას. ეგეთი ხალხის განაწყენება მათ არ სჭირდებათ, არ გაანაწყენეს და გამოუშვეს", — ამბობს ჯაფარიძე.

დღეს, 25 აგვისტოს ჟურნალისტ ვახო სანაიაზე თავდამსხმელებს მოსამართლე გიორგი კერატიშვილმა 150-საათიანი საზოგადოებისთვის სასარგებლო შრომა და 6-თვიანი პატიმრობა მიუსაჯა. ისინი სანაიას თავს 25 თებერვალს დაესხნენ და სამივე მათგან იმ დღესვე დააკავეს. სწორედ დღეს, 25 აგვისტოს, გავიდა 6 თვე მათი დაპატიმრებიდან, შესაბამისად, დღესვე გამოვლენ ციხიდან.

გაიგე მეტი: