ახალი ზელანდიის COVID-19 პანდემიის მართვის მინისტრმა, კრის ჰიპკინსმა ეპიდვითარების ყოველდღიური რუტინადქცეული პრესკონფერენცია შემთხვევით წამოცდენილი უხერხული ფრაზით წამში გაახალისა. ჰიპკინსმა მოქალაქეებს გარეთ გასვლისას და ფეხების გადაშლისას სოციალური დისტანციისკენ მოუწოდა.

"მჭიდრო დასახლებებში ხალხისთვის გარეთ გასვლა და ფეხების გადაშლა რთულია, როცა ირგვლივ უამრავი ადამიანია", — განაცხადა მან.

ახალი ზელანდიის ჯანდაცვის სფეროს წარმომადგენელს ეშლი ბლუმფილდს, რომელიც ჰიპკინსის გვერდით იდგა, მინისტრის ფრაზა არ გამორჩენია და წარბები მრავლისმეტყველი ღიმილით აზიდა.

მოგვიანებით, როცა ჰიპკინსმა საკუთარი ფრაზის მნიშვნელობა გაიაზრა, აღნიშნა, რომ წავიდოდა და გაწელვებს გააკეთებდა. მისი თქმით, ამ ფრაზის გამო საზოგადოება მოგვიანებით კარგად გაერთობოდა.

რა თქმა უნდა, მოსახლეობას მინისტრის განცხადება არ გამორჩენია და ინტერნეტსივრცე სახალისო მიმებით ჰეშთეგით #spreadyourlegs აივსო:

"გარეთ ვარ და ჩემს მთავრობას ვუსმენ"

"აოტეაროაში მცხოვრები ადამიანები, რომლებიც უბრალოდ მთავრობის სამედიცინო რეკომენდაციას ითვალისწინებენ"

შეგახსენებთ, რომ ახალ ზელანდიაში დელტა შტამის გავრცელების გამო ამჟამად ლოქდაუნია გამოცხადებული.