დეპუტატი თაკო ჩარკვიანი აცხადებს, რომ ოპოზიცია არის ის გაერთიანება, რომელმაც თბილისის მერობის კანდიდატად ნაციონალური მოძრაობის თავმჯდომარე, ნიკა მელია წარადგინა. ის ამბობს, რომ სხვა ოპოზიცია "გამოკვეთილად არ ჩანს".

"დღეს ოპოზიცია არის ის გაერთიანებული ოპოზიცია, რომელმაც წარადგინა ქალაქის [თბილისის] მერის კანდიდატად ნიკა მელია. ვიღაცას უფრო უკეთესი უნდოდა არჩევნები თუ არ უნდოდა უფრო უკეთესი ოპოზიციის მხრიდან ენახა, ვთქვათ, უფრო გაერთიანებული, — მე, მაგალითად, მინდოდა, რომ კიდევ უფრო დიდი გაერთიანება მენახა — მაგრამ, ასეთი გაერთიანება ვნახეთ თუ ისეთი, დღეს არის ერთადერთი ალტერნატივა [...] სხვა ოპოზიცია დღეს გამოკვეთილად არ ჩანს", — განაცხადა თაკო ჩარკვიანმა TV პირველთან საუბრისას.

ნიკა მელია დედაქალაქის მერობის კანდიდატად ოპოზიციის ნაწილმა — ევროპულმა საქართველომ, გირჩი — მეტი თავისუფლებამ და დროამ წარადგინეს. მის კანდიდატურას მხარს არ უჭერენ პარტიები — მოქალაქეები და ლელო. თუმცა, ამ პარტიებს საკუთარი მერობის კანდიდატი ჯერ არ წარუდგენიათ.

ადგილობრივი თვითმმართველობის არჩევნები 2 ოქტომბერს გაიმართება.

გაიგე მეტი: