საქართველოს ექსპრეზიდენტის, მიხეილ სააკაშვილის მტკიცებით, საქართველოში ვაქცინა ხელოვნურად არ შემოიტანეს. მისი თქმით, ქართული ოცნების დამფუძნებელს, ბიძინა ივანიშვილის უნდა, რომ არჩევნებისთვის "ხალხი სახლში იყოს და ნებისმიერი ციფრი დაწეროს". ამის შესახებ მან ვიდეომიმართვაში ისაუბრა.

"საქართველო არის პირველ ადგილზე მსოფლიოში ერთ სულ მოსახლეზე დაღუპულთა რაოდენობით. თავიდან არავინ იცოდა ამ ეპიდემიის მართვა, მაგრამ ხალხმა მსოფლიოში ისწავლა ეპიდემიის მართვა, შემდეგ შემოვიდა ვაქცინა და აიცრნენ.

საქართველოში იტყუებოდნენ, რომ მართვა იცოდნენ, შემდეგ ვაქცინა ხელოვნურად არ შემოიტანეს, ივანიშვილის განკარგულებით. მე ამას ვამტკიცებ სრული კომპეტენტურობით, იმიტომ, რომ მე თვითონ ვუშოვე ვაქცინა და ამაზე თქვა მაშინ მთავრობამ უარი, რამდენიმე სხვა ქვეყანამ შესთავაზა, სანამ ძალით არ შეტენეს ამერიკელებმა ბოლოს, არც იღებდნენ ამ ვაქცინას", — აცხადებს ის.

21 აგვისტოს მონაცემებით, ბოლო 24 საათში საქართველოში კორონავირუსით 74 ადამიანი გარდაიცვალა. პანდემიის დაწყებიდან დღემდე ეს სიკვდილიანობის ყველაზე მაღალი მაჩვენებელია. ამასთან, დადასტურდა 4 901 ახალი შემთხვევა, ხოლო გამოჯანმრთელდა 2 586 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: