საქართველოს ექსპრეზიდენტმა მიხეილ სააკაშვილმა გურიის და სამეგრელოს მოსახლეობას გიორგი გაბუნიას გადაცემა არჩევანიდან მადლობა გადაუხადა:

"პირველი გამარჯვება დაფიქსირდა გურიის სოფელ ნასაკირალში და მე უზომოდ მადლობელი ვარ ნასაკირალის და მისი მაცხოვრებლების, სწორედ აქედან დაიწყო ისტორიული შემობრუნება. რაც შეეხება სამეგრელოს და კორცხელის ინციდენტს, მინდა ვთქვა, რომ ეს ხალხი, რომელიც მთავრობაში მოიყვანა ივანიშვილმა, ძალიან ცუდად იცნობს სამეგრელოს მოსახლეობას.

სამეგრელოში ბევრჯერ ამოუძუეს კუდი მოძალადეებს, თავის დროზე როცა ჯაბა იოსელიანი მართლა ჯაბობდა და წალენჯიხაში შევიდა თეთრ ცხენზე ამხედრებული, იქედან გამოაპარეს შემოვლითი გზებით, ისეთი დღე აყარეს მეგრელებმა.

2003 წელს, როდესაც ნიღბიანმა ბანდიტებმა დაუშინეს ავტომატები ნაციონალური მოძრაობის მიტინგს, ვიღაც მოჭიდავეები კი არ გაუგზავნეს, ავტომატები დაუშინეს. და ხალხი არა მხოლოდ არ დაიშალა, ნიღბები ჩამოხადა მათ და ეს იყო შევარდნაძის ხელისუფლების დასასრულის დასაწყისი".

სააკაშვილის თქმით, კორცხელის ინციდენტის შემდეგ ხალხი გაბრაზდა, მივიდა არჩევნებზე და სწორედ ამან გამოიწვია ნაციონალური მოძრაობის გამარჯვება.