საქართველოს მართლმადიდებლური ეკლესიის საპატრიარქოს იურისტი, ედიშერ ქარჩავა ვარაუდობს, რომ დეკანოზი გიორგი მამალაძე "თავისი ინიციატივით" არ მოქმედებდა. საქმეში კი, ერთ-ერთი მთავარი ეჭვმიტანილი პატრიარქის ყოფილი დაცვის უფროსი, სოსო ოხანაშვილია. ამის შესახებ იურისტმა კვირის პალიტრასთან ისაუბრა.

"თუ მამა გიორგის რამე განზრახვა ჰქონდა, მას სატელეფონო ან სხვა სახის კონტაქტი ექნებოდა გერმანიაში მყოფ პირებთან," - ამბობს ქარჩავა, რომელიც დასძენს, რომ დეკანოზს ახლო ურთიერთობა ჰქონდა ოხანაშვილთან, რომელიც ილია მეორეს გერმანიაში გაჰყვა.

საპატრიარქოს იურისტის თქმით, ოხანაშვილსა და შორენა თეთრუაშვილს, რომლის მკვლელობის მომზადებაც ბრალდება დეკანოზს დაპირისპირება არ ჰქონიათ. მისი აზრით, მიმდინარე მოვლენები თეთრუაშვილის წინააღმდეგაა მიმართული.

პროკურორებმა დღეს დეკანოზ გიორგი მამალაძის დაკითხვა გააგრძელეს.