ჯანდაცვის მინისტრის, ეკატერინე ტიკარაძის განცხადებით, სასწრაფო დახმარების ექიმები 500-ლარიანი დანამატს მიიღებენ. მისი თქმით, გადაწყვეტილება გუშინ, საკოორდინაციო საბჭოს მიერ იქნა მიღებული.

"სახელმწიფოს მხრიდან არის დაცული ექიმების ყველა ინტერესი, ჩვენ უკვე რამდენიმე თვე არის, თითქმის წელიწადია, რაც ექიმებს ვაძლევთ დანამატებს, რომელიც არის სახელმწიფოს მხრიდან დეტალურად გაწერილი და საკმაოდ მაღალია მთელი სამედიცინო პერსონალის ანაზღაურება. დამატებით, საბჭოს მხრიდან, გუშინ იქნა მიღებული გადაწყვეტილება, რომ სასწრაფო დახმარების ექიმებს, რომლებიც განსაკუთრებით რთულ პირობებში მუშაობენ, სახელმწიფოს მხრიდან გაიცემა 500-ლარიანი დანამატი, იმისდა მიუხედავად თუ სად, რომელ რეგიონში არიან ისინი დასაქმებულები. ვინაიდან ჩვენთვის არის ძალიან გულთან მისატანი ის სამუშაო, რომელსაც ექიმები წევენ ჩვენი პაციენტებისთვის და ყველანაირად ვეცდებით, რომ ვიდგეთ მათ გვერდში", — თქვა ეკატერინა ტიკარაძემ.

ტიკარაძემ ისაუბრა, რომ არაერთი პოლიტიკური პარტიის მხრიდან არის მცდელობა, ერთმანეთს დაუპირისპირონ სამედიცინო პერსონალი და ხელისუფლება. ჯანდაცვის მინისტრის აზრით, ახლა არ არის მსგავსი სახის დაპირისპირების დრო და ამტკიცებს, რომ სახელმწიფო მაქსიმალურად ცდილობს სამედიცინო პერსონალის ინტერესების გათვალისწინებას.

აღსანიშნავია, რომ საქართველოს პრემიერმინისტრმა, ირაკლი ღარიბაშვილმა წინასაარჩევნოდ ხელფასების ზრდა დააანონსა. მისი თქმით, "წარმოუდგენელია, მერს ხელფასი ჰქონდეს 2 000 ლარი", ამიტომ თვითმმართველობის არჩევნებამდე 2 თვით აზრზე, მათ გაორმაგებაზე ალაპარაკდა.