კომპანია ლემონსი სოციალური პასუხისმგებლობის ფარგლებში, კოვიდსაწინააღმდეგო ვაქცინით აცრილ თანამშრომლებს გარკვეულ შეღავათებს უწესებს.

ქვეყანაში შექმნილი ეპიდსიტუაციისა და ლემონსის სოციალური პასუხისმგებლობიდან გამომდინარე, კომპანიამ გადაწყვიტა ვაქცინირებული თანამშრომლების წახალისება.

ყველა ის თანამშრომელი ვინც უკვე აცრილია ან აგვისტოს ბოლომდე აიცრება, შესაძლებლობა ექნება დამატებით 5-დღიანი (1 კვირა) შვებულებით ისარგებლოს ან 5 დღის შესაბამისი დანამატი მიიღოს ხელფასზე.

აღსანიშნავია, რომ ამ ეტაპისთვის კომპანიაში 32 თანამშრომელია და მათი 80% უკვე აცრილია. კომპანია იმედოვნებს, ინიციატივა ყველა თანამშრომელს უბიძგებს აცრისკენ და მათი რაოდენობა თვის ბოლოს 100% იქნება.

"ერთად დავამარცხოთ COVID-19!", — აცხადებენ კომპანიაში.