რომის პაპი ფრანცისკე ამბობს, რომ კათოლიკე სასულიერო პირების დეფიციტის თავიდან ასაცილებლად, იგი მზად არის დაქორწინებულ კაცებს მღვდლად კურთხევის ნება მისცეს.

გერმანულ გამოცემა Die Zeit-თან ინტერვიუში, პაპი ამბობს, რომ კათოლიკე მღვდლების დეფიციტი ეკლესიისთვის უდიდესი პრობლემაა და მიუთითებს იმაზეც, რომ იგი შეცვლის მათი არჩევის წესებს.

პაპის თქმით, დაქორწინებულ კაცებს უფლება ექნებათ მღვდლები გახდნენ, მაგრამ მარტოხელა მღვდლებს, დაქორწინების საშუალება არ ექნებათ:

"მოხალისეობრივი ცელიბატი გამოსავალი არ არის".

CNN-ის ცნობით, კათოლიკური ეკლესია უკვე უშვებს, რომ ზოგიერთი დაქორწინებული კაცი მღვდელი გახდეს. მაგალითად, პროტესტანტ დაქორწინებულ მღვდელს, რომელიც კათოლიკედ მოექცევა, შეუძლია განაგრძოს მოღვაწეობა, როგორც რომაელი კათოლიკე სასულიერო პირი, თუკი ცოლის თანხმობა ექნება.

რომაულ კათოლიკურ ეკლესიას სწამს, რომ დაქორწინებული მღვდელი ბიბლიას ეწინააღმდეგება. მისი მთავარი კონცეფციაა, რომ "სასულიერო პირი მოქმედებს, როგორც იესო და ღმერთი", ამიტომ იგი უნდა იყოს ცელიბატი, როგორც ქრისტე.