ბელგია საქართველოს ასტრაზენეკას ვაქცინებს სჩუქნის. ქვეყნის საგარეო საქმეთა სამინისტროს განცხადებით, 225 600 დოზა საქართველოს, სომხეთსა და კოსოვოზე გადანაწილდება. ასევე, უკრაინას გაეგზავნება 168 000 დოზა.

ბელგიის საგარეო უწყების გავრცელებულ განცხადებაში წერია, რომ ევროკავშირის მიზანია წლის ბოლომდე მინიმუმ 100 მილიონი დოზის შემოწირულობა გასცეს. ბელგიის მიზანი კი 2021 წლის ბოლომდე 4 მილიონი დოზის შემოწირულობაა. ბელგია სტრატეგიულ როლს თამაშობს კოვიდ 19-ის ვაქცინის გავრცელებასა და წარმოებაში. მას სურს, მხარი დაუჭიროს და წაახალისოს ვაქცინის წარმოება-გავრცელება თავის პარტნიორებში.

"ეს შემოწირულობა არის ჩვენი ევროპული თანამშრომლობის მაგალითი ამ პანდემიის დასამარცხებლად და გლობალური ვაქცინაციის დასაჩქარებლად", — თქვა განვითარების თანამშრომლობისა მთავარი ქალაქების პოლიტიკის მინისტრმა, მერიამ კიტირიმ.