ქართული ოცნების მიერ შარლ მიშელის დოკუმენტის ანულირებას საქართველოში ამერიკის შეერთებული შტატების ყოფილი ელჩი, უილიამ კორტნი ეხმაურება და სვამს კითხვას, იხევს თუ არა საქართველო უკან ევროკავშირის ამბიციებისგან.

"19 ივლისს საქართველომ ბათუმში ევროკავშირში ინტეგრაციის პროცესში წინსვლაზე მყარი პირობა დადო.

ევროკავშირის მედიატორობით მიღწეული შეთანხმებიდან გამოსვლა უთხრის თუ არა ძირს ამ დაპირებას? იხევს თუ არა საქართველო უკან ევროკავშირის ამბიციებისგან?", — წერს კორტნი ტვიტერზე.

ქართულმა ოცნებამ დღეს, 28 ივლისს პოლიტსაბჭოსა და უმრავლესობის სხდომების შემდეგ ბრიფინგი გამართა, სადაც განაცხადა, რომ ოპოზიციასთან ევროკავშირის მედიაციითა და შარლ მიშელის პირადი ჩართულობით მიღწეული შეთანხმება ანულირებულია. პარტიის თავმჯდომარემ ირაკლი კობახიძემ ეს ოპოზიციას დააბრალა და თქვა, რომ შეთანხმებას მხოლოდ ისინი ასრულებდნენ, რაც არასწორია, ამიტომ დოკუმენტმა თავი ამოწურა.

გაიგე მეტი: