როგორც ინდოეთის ავიახაზები იუწყება, ისინი ისტორიაში პირველები არიან, ვისი თვითმფრინავის ეკიპაჟის ყველა წევრი ქალი იყო. სწორედ ასე აღნიშნეს მათ ქალთა საერთაშორისო დღე.

"ინდოეთის ავიახაზებმა ისტორია შექმნა, ქალებისგან შემდგარმა ჩვენმა ეკიპაჟმა პირველი ფრენა განახორციელა.", - ამბობს ინდოეთის ავიახაზების წარმომადგენელი.

ბოინგი 777 ნიუ-დელიდან სან-ფრანცისკოსკენ გაფრინდა, შემდეგ კი წარმატებულად გამოფრინდა უკან.

ეკიპაჟის ყველა წევრი - სტიუარდესა, პილოტი, კონტროლიორები და ინჟინერიც ქალი იყო, რაც საბოლოოდ გინესის რეკორდებშიც დაფიქსირდა.

ეკიპაჟის წევრებმა 15 300 კილომეტრზე მეტი 15 საათში დაფარეს.