ეგვიპტელი ქალი, რომელიც არსებული ინფორმაციით, მსოფლიოში ყველაზე მძიმეწონიანია, წონის შესამცირებელი ოპერაციას გაუკეთებს.

ინდოეთის ქალაქ მუმბაის საავადმყოფოს წარმომადგენელმა განაცხადა, რომ ის ეგვიპტიდან ინდოეთში იანვარში ჩავიდა და ამ პერიოდში მან 100 კილო დაიკლო:

"ვცდილობთ ის გავხადოთ იმ ზომის, რომ თავის ქვეყანაში დაბრუნება შეძლოს".

BBC-ის ცნობით, 36 წლის ქალის ოჯახის წევრები ამბობენ, რომ ის სახლიდან 25 წლის განმავლობაში ვერ გადიოდა, მანამ, სანამ მუმბაიში ჩარტერული თვითმფრინავით არ გადაიყვანეს.

საავადმყოფოს პერსონალი ამბობს, რომ მომავალი თვეების განმავლობაში ის წონაში მეტი სისწრაფით დაიკლებს, ვიდრე ოპერაციამდე.

აბდ ელის ოჯახის წევრების თქმით, ის დაბადებისას 5 კილოგრამს იწონიდა. 11 წლის ასაკში მას ელეფანტიაზის დიაგნოზი დაუსვეს, რაც გულისხმობს სხეულის ნაწილების დასიებას პარაზიტული ინფექციის გამო.

მისი წონა სწრაფად იზრდებოდა და უეცარი შეტევებით იტანჯებოდა, რის გამო საწოლიდან ადგომა აღარ შეეძლო. აბდ ელის დედა და და უვლიდნენ.