ენერგეტიკისა და წყალმომარაგების მარეგულირებელმა ეროვნულმა კომისიამ 9 მარტის სხდომაზე შპს ყაზტრანსგაზ თბილისისათვის ბუნებრივი გაზის მოხმარების ტარიფების დადგენის მიზნით საჯარო ადმინისტრაციული წარმოების დაწყების შესახებ იმსჯელა. ამის შესახებ, სემეკი განცხადებას ავრცელებს.

კომისიაში წინადადებების წარდგენის ბოლო ვადად განისაზღვრა მიმდინარე წლის 6 აპრილი, ხოლო კომისიის მიერ გადაწყვეტილების მიღების ბოლო ვადად - მიმდინარე წლის 24 ივლისი.

ამავე სხდომაზე დაიწყო საჯარო ადმინისტრაციული წარმოება შპს საქართველოს გაზის ტრანსპორტირების კომპანიისთვის ბუნებრივი გაზის ტრანსპორტირების ტარიფების დადგენის თაობაზე.

კომისიაში წინადადებების წარდგენის ბოლო ვადად დასახელდა მიმდინარე წლის 6 აპრილი, ხოლო კომისიის მიერ გადაწყვეტილების მიღების ბოლო ვადად - მიმდინარე წლის 28 ივლისი.

სემეკის მიერ გავრცელებულ განცხადებაში ანთქვამია, რომ მიმდინარე წლის 6 აპრილის 18 საათამდე ნებისმიერ დაინტერესებულ პირს აქვს შესაძლებლობა კომისიაში წარადგინოს მოსაზრებები შპს ყაზტრანსგაზ თბილისისა და შპს საქართველოს გაზის ტრანსპორტირების კომპანიისთვის ტარიფების დადგენასთან დაკავშირებით.